“Вестерн” сенсаци дэгдээх дөхөв

“Холбооны цом 2016” тэмцээний дөрөвний нэг шигшээд учраа таарсан “Хүрхрээ” дээд лигийн “Хоромхон”, доод лигийн “Вестерн” багууд өчигдөр 15:00 цагаас тоглосон юм.

Тоглолтын эхний гоолыг дөнгөж ес дэх минутад “Вестерн” багийн довтлогч Б.Галмандах гоолын салхиийг хагалсан ч түүний гоолоос ердөө хоёрхон хормын дараа багийн гишүүн А.Баатарзаан өөрийн хаалганд гоол оруулж тооны харьцаа тэнцэв. Түрүүлж гоол оруулсан “Вестерн”-ы хамгаалалт дэндүү муу байсныг шийтгэж “Хоромхон”-оос А.Батболд 22’, Н.Наранболд 30’(p) нар тоог 3:1 болгосон бол эсрэг багийн легионер Эбука Жосеп 34 минутад тоог 3:2 болгож эхний хагас өндөрлөсөн. Хоёрдугаар үе дөнгөж эхэлээд “Вестерн”-ы легионерь Эбука Жосеп тооны харьцааг тэнцүүлсэн. Тийнхүү үндсэн цагийг тэнцээгээр өндөрлүүлж чадсан “Вестерн” торгуулийн цохилтоос боломжоо хайхыг зорьж байсан ч тэдний замд Н.Наранболд 96 дахь минутад саад боллоо. Ингээд нэмэлт цагт “Хоромхон” 4:3-аар хожиж “Холбооны цом”-ын хагас шигшээд “Дэрэн”-тэй учраа таарлаа.

“Холбоон цом”-ын дөрөвний нэгийн гурав дахь тоглолт “Шарын гол”, “Улаанбаатар сити” багуудын хооронд өрнөлөө.

Хотынхон” өмнөх шатанд нийслэлийн нөгөө нэг баг болох “Улаанбаатар” клубыг 8:4 илүүрхээд байсан бол “Шарын гол” армийн баг “Соёмбын Басруудыг” мулталж тэдэнтэй оноолт таарсан юм. Хоёр баг анх удаа дээд зэрэглэлийн тэмцээнд учраа таарсанаас гадна өөр нэгэн сонирхолтой зүйл бол гэрэлтүүлэгтэй болсон МХБХ-ны цэнгэлдэх хүрээлэнгийн анхны албан ёсны тоглолт байлаа. Тоглолт эхнээсээ дээд лигийн “УБ Сити”-ийн давамгайлалаар эхэлсэн. Өөрөөр хэлбэл нэгдүгээр үеийн 10’ минутад багийн лидерүүдийн нэг М.Батхишиг гоолын салхийг хагалж, уугуул нутгийнхаа эсрэг тоглосон Б.Цэрэнбаяр 35 дахь минутад тоог 2:0 болгосоноор эхний хагас “УБ Сити”-ийн давамгайлал дор өндөрлөв. Хоёрдугаар үед ч тэд илүү тоглолтоо үргэлжилүүлж Орос легионерь С.Артёмын гоолоор тооны харьцааг 3:0 болгон холдуулсан. Харин тоглолтын эцсийн цэгийг 90 минутад Б.Баттүшиг өөрийн гоолоороо тавьж, “гэрэлт цэнгэлдэх” дэх албан ёсны анхны тоглолтод “УБ сити” хожил байгууллаа. Тийнхүү “Хотынхон” “Холбооны цомын” нөгөө нэг тоглолт болох “Хангарьд”, “Атлетик 220” багуудын хожсонтой нь хагас шигшээд тулахаар боллоо.