Б.Тэгшбаярт европууд гэрээ хийх саналаа өгч эхэлжээ

Ханан тойргийн шинэхэн залуучуудын дэлхийн аварга Б.Тэгшбаяр маань 2 тэмцээнд дараалан түрүүлж 10 дугаар сарын 10-нд DOHA хотноо болох засмал замын дугуйн Залуучуудын дэлхийн аварга шалгаруулах тэмцээндээ оролцоход бэлэн болж байна!

Эхний тэмцээн нь Щвейцарь улсад есдүгээр сарын 11-нд болсон ба 2 дахь тэмцээн нь Франц улсад өнгөрсөн амралтын өдрүүдэд болов.

"Prix cycliste de Marchaux" FRANCE /98km/
1.Batsaikhan Tegshbayar. MGL CMC 2:15:07
2.Willson Stiven Penã. "Columbia" CMC
3.Alexis Romeder. "France". Jura cyclisme
4.Kevin Boyer. "France" SCO Dejon junior

Мөн Б.Тэгшбаярыг Европын нэртэй мэргэжлийн багууд 2017 оноос гэрээ хийх саналаа өгч эхэлжээ. Ийнхүү Монголын анхны Мэргэжлийн дугуйчин болох гараа нь нээгдэж байна. Тун удахгүй "Тур де Франс", "Жиро де Итали" зэрэг уралдаанд түрүүлэхийг хүсэн ерөөе.

Ч.Амар