Их мастер А.Энхтуул ОУ-ын чансаагаа ахиулжээ

Дэлхийн шатрын 42-р олимпиад буюу энэ бөмбөрцгийн хамгийн шилдэг шатарчид нэгэн дээвэр дор цугларч, өрсөлддөг шатрын "олимп" өндөрлөв. Манай эмэгтэйчүүдийн баг нийт 140 багаас 20 дугаар байрт шалгарлаа. Их мастер А.Энхтуул 4-р ширээнд 9 өргийн дараах байдлаар 6 хожиж, 3 тэнцээд байсан боловч хамгийн сүүлчийн өрөг энэ олимпийн анхны хожигдлыг авснаар нийт 10 өргөөс 7.5 оноотой хувийн амжилтаар 14-р байранд шалгарчээ.

Тэрээр тэмцээний туршид хувийн амжилтаар 4-р ширээнд тэргүүлэгчдийн эгнээнд байсан боловч хамгийн сүүлчийн өргөөс бүх зүйл шалтгаалсан байна. Гэсэн ч энэ олимпоор оролцсон МУ-ын эмэгтэйчүүдийн шигшээ багтаа хамгийн их оноог авчирч, ОУ-ын чансаагаа +14,2 ахиулсан амжилттай оролцжээ.

Н.Цэнгэл