М.Уранцэцэгийн тэмцээн өндөрлөв

"Рио 2016" олимпийн наадмын жүдо бөхийн эмэгтэйчүүдийн 48 кг-ийн хүрэл медалийн төлөөх барилдаан өчигдөр болсон. Гавьяат тамирчин М.Уранцэцэг хэсгийн аваргын төлөөх барилдаанд БНСУ-ын Жеон Бо Кеонд цэвэр ялагдсан. Улмаар дагах тойрогт Лондонгийн олимпийн аварга, ДАШТ-ий гурван хүрэл медальт, Бразилын С.Мерезестэй барилдав. Тэрээр дагах барилдаан хийж ялалт байгуулснаар хүрэл медалийн төлөө барилдах эрхтэй болоод байсан юм.

Шийдвэрлэх мөчид М.Уранцэцэг Японы алдарт тамирчин Кондотой учраа таарч барилдсан. Манай тамирчин барилдааны явцад идэвхитэй, дайчин барилдааныг хийж байсан ч цаг дуусах мөчид Японы тамирчны хурдтай мэхэнд орж ялагдал хүлээв. М.Уранцэцэгийн хувьд 2012 оны Лондонгийн олимпод 7-р байрт орж байсан бол энэ удаа байраа ахиулан 5-р байрт бичигдлээ.

Н.Цэнгэл