Наадамд зодоглох бөхчүүдийг бүртгэж байна

Тулгар төрийн 2225 жил, Их Монгол Улс байгуулсны 810 жил, Ардын хувьсгалын 95 жилийн ой, Үндэсний их баяр наадамд хууль, дүрмийн дагуу даатгуулсан, 18-аас дээш насны хүчит 1024 бөх барилдана. Барилдах бөхчүүдийг өчигдрөөс Монгол бөхийн өргөөнд бүртгэж эхэлсэн. Бүртгэл маргааш өдрийн 17.00 цагт дуусна. Бөхчүүд хоёр хувь цээж зураг, даатгалын төлбөр, иргэний болон цолны үнэмлэхээ авчирч, өөрийн биеэр бүртгүүлнэ. Зарласан хугацаанд бүртгүүлээгүй бөхчүүдийг нэмж бүртгэхгүй болохыг онцлон анхааруулж байна.

Харин өсвөр 128 бөхийн барилдаанд барилдах 14-15 насны хөвгүүдийг өнөөдрийн 18.00 цаг хүртэл Монголын хүүхдийн ордонд бүртгэнэ. Барилдаанд 2000 оны 1-р сарын 1-нээс хойш төрсөн хөвгүүд барилдана.

Бүртгүүлэхдээ:

- төрсний гэрчилгээ

- эрүүл мэндийн даатгалын дэвтэр

- хоёр хувь цээж зураг

- даатгалын төлбөр тус тус авч ирнэ. Баримт бичиг зөрчилтэй болон дутуу бол бүртгэхгүй болохыг онцлон анхааруулж байна.