М.Анхцэцэгийн байр урагшилж, хүрэл медальтан боллоо

Катарын Доха хотноо 2015 оны 12 сардболсон Олон Улсын "QATAR 3rd-INTERNATIONAL CUP 2015 "Grand prix дэлхийн шилдгүүд оролцдог Олимпийн эрх авах тэмцээнд Монголын шилдэг тамирчдын нэг Ази тивийн аварга М.Анхцэцэг оролцож огцом өргөлтөөр 4-р байранд орж байсан юм.

Гэвч Олон Улсын Хүндийн Өргөлтийн Холбооноос уг тэмцээнд оролцож 3-р байр эзэлсэн Грекийн тамирчин Ananiaduo Eftychia-гаас сэргээшийн шинжилгээ эерэг гарсан тул тухайн тамирчины медаль шагналыг хураан авч, манай тамирчин М.Анхцэцэгийн байр урагшилж 3-р байранд орохоор болсон баяртай мэдээг дуулгаж байна. Энэ талаар одоо Гүржийн Тбилис хотод зохиогдож буй Дэлхийн Залуучуудын Аварга шалгаруулах тэмцээний үеэр албан ёсоор Монголын Хүндийн Өргөлтийн Холбоонд мэдэгджээ.

Ийнхүү манай тамирчны олон улсын чанартай тэмцээний медалийн тоо нэгээр нэмэгдэж Катарын Кап Гран пригийн хүрэл медальтан боллоо.

М.Анхцэцэг одоо болж байгаа Дэлхийн Залуучуудын аварга шалгаруулах тэмцээнд долдугаар сарын 01-нд оролцоно.

Н.Цэнгэл