О.Энхтүшиг, Ж.Азжаргал нар ДАШТ-д V байрт шалгарлаа

Аэробик гимнастикийн өсвөр үе, насанд хүрэгчдийн ДАШТ БНСУ-ын Инчён хотод гурав дахь өдрөө үргэлжилж байна.

12-14 насны ангиллын хосын төрөлд О.Энхтүшиг, Ж.Азжаргал нар 18.000 оноогоор шигшээд шалгарсан талаар бид өмнө нь мэдээллэсэн. Манай тамирчид дөнгөж сая финалд өрсөлдөн, 18.500 оноогоор V байрт шалгарлаа.

12-14 насны ангиллын багийн төрөлд шигшээд шалгарсан манай тамирчид өнөөдөр өрсөлдөнө. Тус багийн бүрэлдэхүүнд дасгалжуулагч Э.Мөнх-Оргил, С.Тунгалаг, Б.Мөнхбат нарын удирдлага дор О.Энхтүшиг, Н. Баян-Эрдэнэ, Ж.Азжаргал, Э.Марал, Б.Ариунзул нар багтсан юм.

Сонирхуулахад, Монголын гимнастикчид ДАШТ-ээс өсвөрийн ангилалд медаль авч амжаагүй байгаа бөгөөд 2010 онд 15-17 насны ганцаарчилсан төрөлд Ч.Золбоо хүрэл медаль хүртсэн юм.