Евро-2016-гийн цэнгэлдэхүүдэд ОО-ийн цаас авч орохыг хоригложээ

Европын хөлбөмбөгийн аварга шалгаруулах тэмцээн болох цэнгэлдэх хүрээлэнгүүдэд авч орохыг хориглосон зүйлсийн жагсаалтад ОО-ийн цаас болон лазерын заалтуур оржээ.

Тэмцээн зохион байгуулагчид энэ жагсаалтад дрон, нарны хаалт, хамгаалалтын дуулга малгай, аливаа төрлийн сав (төмөр, цаас, шилэн), аливаа төрлийн пиротехник, мегафон, дуу чимээ гаргаж болох цахилгаан болон механик багажийг бас оруулсан байна. Цүнх болон далбааны хэмжээг хязгаарлажээ. Тодруулбал,цүнхний өргөн, өндөр болон гүн нь 25 сантиметр, туг далбааны өргөн нь 2 метр, өндөр нь 1,5 метрээс илүүгүй байх ёстой ажээ.

Бусад зүйлийн хувьд жагсаалтад нийтийн бүх арга хэмжээний үеэр авч орохыг хориглодог гал авалцдаг шингэн, согтруулуулах ундаа, мансууруулах бодис, хурц үзүүртэй болон зүсдэг эд зүйлс, аливаа төрлийн зэвсэг, мэргэжлийн дүрс бичлэгийн аппарат орсон байна.

Европын хөлбөмбөгийн аварга шалгаруулах тэмцээн зургаадугаар сарын 10-наас долдугаар сарын 10-нд францын 10 хотод болох юм.

С.Инда