Б.Цэцэгбаяр хүрэл медальд хүрчээ

2016 оны Азийн залуучуудын эрэгтэй чөлөөт бөхийн ХҮIII, эмэгтэй чөлөөт бөхийн ХIII, сонгомол барилдааны ХҮII дахь удаагийн аврага шалгаруулах тэмцээн Филиппин улсын Манила хотын “Rizal Memorial Sports Complex” спортын ордонд болж байна.

Тэмцээний хоёр дахь өдөр эмэгтэй 44, 51, 59, 67 кг-ын жингийн барилдаан болж манай улсаас 67 кг-ын жинд дэвжээнд гарсан “Арслан” клубийн бөх Б.Цэцэгбаяр хүрэл медаль авчээ.

Тэрээр жилийн өмнө Ази тивийн чөлөөт бөхийн өсвөр үеийн аварга шалгаруулах тэмцээнээр 70 кг-ын жинд барилдаж, мөнгөн медаль хүртэж тус тэмцээний хошой медальтан болж байв.

Н.Цэнгэл