Дэлхийн цомд оролцох манай баг бэлэн болжээ

АНУ-ын Лос-Анжелос хотын ойролцоох Инглвуд тосгон дахь “Great Western Forum” спортын ордонд энэ оны эрэгтэй багуудын Дэлхийн цомын төлөө ХХҮIII дахь удаагийн тэмцээн энэ оны зургаадугаар сарын 11-12-ны өдрүүдэд болно.

15 мянган үзэгчийн суудалтай “Great Western Forum” нь сагсан бөмбөгийн мэргэжлийн “Лос-Анжелос Лейкерс”, хоккейн “Лос-Анжелос Кингз” клубүүдийн спортын ордон ажээ.

Энэ тэмцээнд өнгөрсөн онд Лос-Анжелос болсон ДАШТ-ний эрэгтэй чөлөөт бөхийн тэмцээнд эхний 8 байр эзлэсэн багууд оролцож байна. Манай баг “А” хэсэгт Гүрж, ОХУ, Туркийн багуудтай орж “Б” хэсэгт Азербайжан, АНУ, Иран, Энэтхэгийн багууд өрсөлдөнө.

Тэмцээний тасалбарын үнэ 35-55 ам.доллар хийгээд хоёр өдрийн тасалбарыг худалдан авбал 60-85 ам.доллар ажээ.

Ираны баг түрүүлж АНУ-ын баг аман хүзүүдсэн өнгөрсөн жилийн тэмцээнд манай баг Зургаадугаар байр эзлэсэн юм.

Манай эрэгтэй баг өнгөрсөн жил АНУ-ын Лас-Вегас хотод болсон ДАШТ-нд багаараа Зургаадугаар байр эзэлж 8 дах удаа Дэлхийн цомын тэмцээнд оролцож байна.

Манай эрэгтэй баг Дэлхийн цомын төлөө тэмцээнд өмнө нь 7 удаа оролцохдоо хоёр удаа II, IY байр, нэг удаа III, Ү, ҮI байр эзэлж байсан юм. Дэлхийн цомын төлөө тэмцээнд манай баг АНУ-д 7 дахь удаа оролцож байна.

Дэлхийн цомын төлөө тэмцээнд оролцох манай багийн бүрэлдэхүүнийг толилуулж байна.

Бөхчүүд

57 кг Эрдэнэбатын Бэхбаяр, Гавьяат тамирчин,

”Хангарьд” клуб, “Алтай констракш” компанийн бөх,

нийслэлийн оюутны шигшээ багийн тамирчин, ДАШТ-ний

хүрэл медальт, азийн аварга

Содномдашийн Батболд, олон улсын хэмжээний мастер,

”Гацуурт-Олимп” клуб

61 кг Түмэнбилэгийн Түвшинтулга, олон улсын хэмжээний мастер,

Оюутны дэлхийн аварга

65 кг Ганзоригийн Мандахнаран, Гавьяат тамирчин, “Алдар” спорт

хороо, ДАШТ-ний хошой хүрэл медальт, Армийн дэлхийн

аварга, Азийн спортын наадмын болон тивийн аварга

Батчулууны Батмагнай, олон улсын хэмжээний мастер,

”Алдар” спорт хороо

70 кг Доржцэгмэдийн Алтангэрэл, олон улсын хэмжээний мастер,

”Хилчин” спорт хороо

74 кг Пүрэвжавын Өнөрбат, Гавьяат тамирчин, ”Хасу-Мегастарс”

клуб, ДАШТ-ний мөнгөн медальт

86 кг ОргодолынҮйтүмэн, олон улсын хэмжээний мастер,

“Алдар” спорт хороо, Армийн дэлхийн аварга

96 кг Доржхандын Хүдэрбулга, олон улсын хэмжээний мастер,

“Сүлд” спорт хороо, Азийн аварга

125 кг Жаргалсайханы Чулуунбат, олон улсын хэмжээний мастер,

“Сүлд” спорт хороо

Эхний гурван байр эзлэсэн багуудыг цом, алт, мөнгө, хүрэл медаль болон 50, 30, 20 мянган ам.долларын мөнгөн шагнал олгоно.

1973 оноос явагдаж байгаа Дэлхийн цомын төлөө эрэгтэй багуудын тэмцээнд ЗХУ-ын баг 15 удаа, АНУ-ын баг 13, ОХУ-ын баг 6, Ираны баг 6, Азербайжаны болон Кубын багууд тус бүр 2 түрүүлж байжээ.

Дасгалжуулагчид

Ц.Цогтбаяр, эрэгтэй үндэсний шигшээ багийн ахлах дасгалжуулагч,

Гавьяат тамирчин

Б.Баяраа, эрэгтэй үндэсний шигшээ багийн дасгалжуулагч,

Гавьяат дасгалжуулагч

О.Пүрэвбаатар, эрэгтэй үндэсний шигшээ багийн дасгалжуулагч,

Гавьяат тамирчин

Л.Энхбаяр, эрэгтэй үндэсний шигшээ багийн дасгалжуулагч

Шүүгч

Ц.Сэрээтэр, МЧБХ-ны Шүүгчдийн зөвлөлийн дарга, олон улсын шүүгч

Эмч

Ч.Насанбат, БТСХТ-ийн Спортын анагаах ухааны албаны дарга, Гавьяат эмч