Ц.Намуунцэцэг Азийн залуучуудын аваргын хошой медальтан болов

2016 оны Азийн залуучуудын эрэгтэй чөлөөт бөхийн ХҮIII, эмэгтэй чөлөөт бөхийн ХIII, сонгомол барилдааны ХҮII дахь удаагийн аврага шалгаруулах тэмцээн Филиппин улсын Манила хотын “Rizal Memorial Sports Complex” спортын ордонд болж байна.

Тэмцээний эхний өдөр эмэгтэй 48, 55 кг-ын жингийн барилдаан болж манай улсаас 55 кг-ын жинд дэвжээнд гарсан “Дархан-Хасу-Мегастарс” клубийн бөх, өсвөрийн ДАШТ-ний мөнгөн медальт Ц.Намуунцэцэг жиндээ аман хүзүүдэж Ази тивийн залуучуудын аварга шалгаруулах тэмцээний хошой медальт бөх болов. Өнгөрсөн жил Мьянмар улсын Моутама хотод болсон Ази тивийн залуучуудын аварга шалгаруулах тэмцээнээс хүрэл медаль хүртэж байсан юм.

Өнөөдөр эмэгтэй 44, 51, 59, 67 кг-ын жингүүдийн барилдаан болох бөгөөд манай гурван бөх зодоглоно.

Н.Цэнгэл