Ерөнхий сайд Олимпод оролцох тамирчдаа зоригжууллаа

Монгол Улсын Ерөнхий сайд, Олимпийн наадамд бэлтгэх үндэсний хорооны дарга Ч.Сайханбилэг Бразилийн Рио-де-Жанейро хотноо зохиогдох зуны олимпийн XXXI наадамд оролцох эрх авсан тамирчдын бэлтгэл сургуулилтын явцтай танилцлаа.

1992 оны Барселонагийн зуны олимпийн наадмаас эхлэн олимпийн наадамд эрх авч оролцдог болсноос хойш Монголын тамирчид 2008 оны Бээжин, 2012 оны Лондонгийн зуны олимпийн наадамд спортын 7 төрөлд 29 эрх авч оролцож байсан бол Рио-2016 зуны олимпийн наадамд анх удаа спортын 9 төрөлд 30-аас дээш эрх авч оролцохоор болоод байгаа юм.

Манай улсын хувьд одоогийн байдлаар чөлөөт бөх 9, байт харваа 1, буудлага 3, хүндийн өргөлт 1, таеквондо 1, бокс 4 нийт 19 олимпийн эрх баталгаажиж,хөнгөн атлетикийн 4, жүдо бөхийн 12-13 эрхийн баталгаажилт хүлээгдэж байна. Пара олимпийн тамирчдын хувьдбайт харваа 2,буудлага 1,жүдо 2,пауэрлифтинг 1,хөнгөн атлетик 1 нийт 7эрх баталгаажсан байна.

Олимпийн төрлүүдээс байт харваа, боксын төрөлд нэг, хөнгөн атлетикийн төрөлд хоёр эрхийн тэмцээн үлдсэн бол пара олимпийн төрлүүдээс пара байт харвааны төрөлд эрхийн төлөө дахин өрсөлдөх нэг боломж үлдээд байгаа юм.

Ерөнхий сайд эхлээд зуны олимпийн наадмын жүдо бөхийн төрөлд олимпийн эрх авсан тамирчид болон тэдний дасгалжуулагчидтай уулзлаа. Жүдо бөхийн төрөлд Ц.Цогтбаатар, Д.Төмөрхүлэг, Н.Одбаяр, О.Ууганбаатар, Л.Отгонбаатар, Н.Түвшинбаяр, Б.Тэмүүлэн, М.Уранчимэг, А.Цолмон, Д.Сумъяа, Ц.Мөнхзаяа, Ц.Наранжаргал, П.Лхамдэгд нар олимпийн эрх аваад байгаа юм. Монголын жүдо бөхийн холбооны дэд ерөнхийлөгч Б.Пагва тамирчдын бэлтгэл сайн хангагдаж байгаа талаар Ерөнхий сайдад танилцуулаад шаардлагатай эм, витамин, нэмэгдэл тэжээлийн хангалтад туслахыг хүслээ. Олимпийн наадам эхлэхээс 10 хоногийн өмнө очсон байх учраас тамирчдын хувьд цагийн зөрүү гарч, амжилттай барилдах боломжтой гэв. Жүдо бол бидний итгэл найдвар тавьж байгаа гол төрлүүдийн нэг гэдгийг Ерөнхий сайд хэлээд бэлтгэл сургуулилтаа эрчимжүүлэхийг тамирчид, дасгалжуулагчдад уриаллаа.

Дараа нь хүндийн өргөлтийн Үндэсний шигшээ багийн тамирчидтай уулзаж, бэлтгэл сургуулилттай нь танилцаа. Хүндийн өргөлтийн 75 кг-ийн жинд М.Анхцэцэг Азийн аварга шалгаруулах тэмцээнээс алтан медаль хүртэж, олимпийн эрхээ авсан юм. Тамирчдын бэлтгэл хийх орчныг сайжруулан, бэлтгэлийн сүүлийн үеийн тоног төхөөрөмжөөр хангавал манай тамирчид илүү амжилт гаргах бүрэн боломжтой гэж Монголын Хүндийн өргөлтийн холбооны Ерөнхий нарийн бичгийн дарга Д.Даваадорж танилцууллаа.

Үндэсний шигшээ багийн биеийн ерөнхий хөгжлийн бэлтгэл хийдэг Фитнесс танхимдхөнгөн атлетик болон пара олимпийн тамирчидтай уулзлаа. Хөнгөн атлетикийн марафон гүйлтийн төрөлд Б.Сэр-Од, Б.Мөнхзаяа, Б.Отгонбаяр, Д.Гантулга, пара байт харвааны төрөлд Д.Баатаржав, А.Анхбаяр, пара буудлага гар бууны дасгалд З.Ганбаатар, пара жүдо бөхийн төрөлд Б.Уганхүү, А.Мөнхбат, пара пауэрлифтингийн төрөлдЭ.Содномпэлжээ, пара хөнгөн атлетик бөөрөнцөг шидэлтийн төрөлд Г.Цогтгэрэл нар олимпийн эрх авчээ.

Чөлөөт бөхийн төрөлд олимпийн эрхээ аваад байгаа Э.Бэхбаяр, П.Өнөрбат, Г.Мандахнаран, О.Үйтүмэн, Д.Хүдэрбулга, Ж.Чулуунбат нар болон тэдний дасгалжуулагчидтай уулзахдаа чөлөөт бөх бол Монголын спортын нүүр царай болж байсан төрөл гэдгийг Ерөнхий сайд хэлээд алтан үеийнхний гаргаж байсан амжилт эргэн ирж, чөлөөт бөхийн хувьд дахин сэргэлтийн үе эхэлснийг онцоллоо.

Спортын анагаах ухааны төвд олимпийн наадамд оролцох тамирчдадүзүүлж байгаа физик болон нөхөн сэргээх эмчилгээний сүүлийн үеийн тоног төхөөрөмжүүдийн үйл ажиллагаатай танилцлаа. Тамирчдад үзүүлэх эмчилгээ, үйлчилгээний чанарыг сайжруулж, физик эмчилгээ, дасгалжилтын түвшин тогтоох, лабораторийн шинжилгээ хийхэд ашиглаж байгаа багаж тоног төхөөрөмжийн шинэчлэлийн талаар тус албаны удирдлагууд Ерөнхий сайдад танилцууллаа.

Буудлагын төрлөөр олимпийн эрх авсан О.Гүндэгмаа, Ц.Мөнхзул нарт спортын анагаах ухааны албаны мэргэжилтнүүд зөвлөгөө өгч байх үед нь Ерөнхий сайд уулзаж, ярилцлаа. Буудлагын тамирчдын хувьд бэлтгэл хийх сумны хүрэлцээ муу байгааг хэлж, Англи улсаас нийлүүлэх сумыгойрын хугацаанд авч ирэхэд туслахыг Ерөнхий сайдаас хүслээ. Ерөнхий сайд Ч.Сайханбилэг Эрүүл мэнд, спортын яам, Хууль зүйн яам, Гадаад хэргийн яам болон МИАТ компанийн удирдлагуудад бэлтгэл сургуулилтыг хэвийн явуулахад шаардлагатай сум, хэрэгслийг ойрын үед нийлүүлэхэд анхаарч, арга хэмжээ авахыг үүрэг болгоод олимпийн наадамд оролцох эрхээ авсан нийт тамирчдад бэлтгэл сургуулилтаа эрчимжүүлэхийг уриаллаа гэж Засгийн газрын Хэвлэл мэдээлэл, олон нийттэй харилцах албанаас мэдээллээ.

Ерөнхий сайд эхлээд зуны олимпийн наадмын жүдо бөхийн төрөлд олимпийн эрх авсан тамирчид болон тэдний дасгалжуулагчидтай уулзлаа. Жүдо бөхийн төрөлд Ц.Цогтбаатар, Д.Төмөрхүлэг, Н.Одбаяр, О.Ууганбаатар, Л.Отгонбаатар, Н.Түвшинбаяр, Б.Тэмүүлэн, М.Уранчимэг, А.Цолмон, Д.Сумъяа, Ц.Мөнхзаяа, Ц.Наранжаргал, П.Лхамдэгд нар олимпийн эрх аваад байгаа юм. Монголын жүдо бөхийн холбооны дэд ерөнхийлөгч Б.Пагва тамирчдын бэлтгэл сайн хангагдаж байгаа талаар Ерөнхий сайдад танилцуулаад шаардлагатай эм, витамин, нэмэгдэл тэжээлийн хангалтад туслахыг хүслээ. Олимпийн наадам эхлэхээс 10 хоногийн өмнө очсон байх учраас тамирчдын хувьд цагийн зөрүү гарч, амжилттай барилдах боломжтой гэв. Жүдо бол бидний итгэл найдвар тавьж байгаа гол төрлүүдийн нэг гэдгийг Ерөнхий сайд хэлээд бэлтгэл сургуулилтаа эрчимжүүлэхийг тамирчид, дасгалжуулагчдад уриаллаа. Дараа нь хүндийн өргөлтийн Үндэсний шигшээ багийн тамирчидтай уулзаж, бэлтгэл сургуулилттай нь танилцаа. Хүндийн өргөлтийн 75 кг-ийн жинд М.Анхцэцэг Азийн аварга шалгаруулах тэмцээнээс алтан медаль хүртэж, олимпийн эрхээ авсан юм. Тамирчдын бэлтгэл хийх орчныг сайжруулан, бэлтгэлийн сүүлийн үеийн тоног төхөөрөмжөөр хангавал манай тамирчид илүү амжилт гаргах бүрэн боломжтой гэж Монголын Хүндийн өргөлтийн холбооны Ерөнхий нарийн бичгийн дарга Д.Даваадорж танилцууллаа. Үндэсний шигшээ багийн биеийн ерөнхий хөгжлийн бэлтгэл хийдэг Фитнесс танхимдхөнгөн атлетик болон пара олимпийн тамирчидтай уулзлаа. Хөнгөн атлетикийн марафон гүйлтийн төрөлд Б.Сэр-Од, Б.Мөнхзаяа, Б.Отгонбаяр, Д.Гантулга, пара байт харвааны төрөлд Д.Баатаржав, А.Анхбаяр, пара буудлага гар бууны дасгалд З.Ганбаатар, пара жүдо бөхийн төрөлд Б.Уганхүү, А.Мөнхбат, пара пауэрлифтингийн төрөлдЭ.Содномпэлжээ, пара хөнгөн атлетик бөөрөнцөг шидэлтийн төрөлд Г.Цогтгэрэл нар олимпийн эрх авчээ.

Чөлөөт бөхийн төрөлд олимпийн эрхээ аваад байгаа Э.Бэхбаяр, П.Өнөрбат, Г.Мандахнаран, О.Үйтүмэн, Д.Хүдэрбулга, Ж.Чулуунбат нар болон тэдний дасгалжуулагчидтай уулзахдаа чөлөөт бөх бол Монголын спортын нүүр царай болж байсан төрөл гэдгийг Ерөнхий сайд хэлээд алтан үеийнхний гаргаж байсан амжилт эргэн ирж, чөлөөт бөхийн хувьд дахин сэргэлтийн үе эхэлснийг онцоллоо.

Спортын анагаах ухааны төвд олимпийн наадамд оролцох тамирчдадүзүүлж байгаа физик болон нөхөн сэргээх эмчилгээний сүүлийн үеийн тоног төхөөрөмжүүдийн үйл ажиллагаатай танилцлаа. Тамирчдад үзүүлэх эмчилгээ, үйлчилгээний чанарыг сайжруулж, физик эмчилгээ, дасгалжилтын түвшин тогтоох, лабораторийн шинжилгээ хийхэд ашиглаж байгаа багаж тоног төхөөрөмжийн шинэчлэлийн талаар тус албаны удирдлагууд Ерөнхий сайдад танилцууллаа.

Буудлагын төрлөөр олимпийн эрх авсан О.Гүндэгмаа, Ц.Мөнхзул нарт спортын анагаах ухааны албаны мэргэжилтнүүд зөвлөгөө өгч байх үед нь Ерөнхий сайд уулзаж, ярилцлаа. Буудлагын тамирчдын хувьд бэлтгэл хийх сумны хүрэлцээ муу байгааг хэлж, Англи улсаас нийлүүлэх сумыгойрын хугацаанд авч ирэхэд туслахыг Ерөнхий сайдаас хүслээ. Ерөнхий сайд Ч.Сайханбилэг Эрүүл мэнд, спортын яам, Хууль зүйн яам, Гадаад хэргийн яам болон МИАТ компанийн удирдлагуудад бэлтгэл сургуулилтыг хэвийн явуулахад шаардлагатай сум, хэрэгслийг ойрын үед нийлүүлэхэд анхаарч, арга хэмжээ авахыг үүрэг болгоод олимпийн наадамд оролцох эрхээ авсан нийт тамирчдад бэлтгэл сургуулилтаа эрчимжүүлэхийг уриаллаа гэж Засгийн газрын Хэвлэл мэдээлэл, олон нийттэй харилцах албанаас мэдээллээ.