Месси асар том хаалгач-роботын хаалганд бөмбөг оруулжээ

“Барселона” клубийн довтлогч Лионель Месси японы телевизийн шоунд оролцож, энэ үеэр роботын хамгаалж байгаа хаалганд бөмбөг оруулах ёстой байжээ.

Хаалгач-робот хаалгыг бараг тэр чигт нь хаан зогсож, хоёр том гэгчийн гараа байнга хөдөлгөж байсан байна.Аргентины довтлогч даалгаврыг амжилттай гүйцэтгэж, гурван удаа бөмбөг өшиглөж, гурвууланг оруулжээ.

28 настай Месси энэ улиралд “Барселона” клубийн өмнөөс 30 тэмцээнд оролцож, эсрэг талын хаалганд 25 бөмбөг оруулсан юм.

Месси хөлбөмбөгийн түүхэнд оны шилдэг тоглогчийн шагнал болох “Алтан бөмбөг”-ийн эзэн таван удаа (2009, 2010, 2011, 2012, 2015 онд) болсон цорын ганц хөлбөмбөгчин юм.

С.Инда