О.Үйтүмэн олимпийн эрхээ алтан медалийн хамт авлаа

Энэ зун Бразил улсад болох Зуны олимпийн “Рио-де-Жанейро-2016” наадмын сонгомол барилдаан, эрэгтэй, эмэгтэй чөлөөт бөхийн Ази тивийн сонгон шалгаруулах тэмцээн Казахстан улсын Астана хотын “Даулет” спортын цогцолборт 3 өдөр үргэлжилж дууслаа.

Эрэгтэй 86 кг-ын жинд 10 бөх барилдсанаас олон улсын хэмжээний мастер О.Үйтүмэн нэгдүгээр тойрогт БНСУ-ын бөх Гвануд Кимийг 11:0, хоёрдугаар тойрогт киргизийн бөх Алигажи Гамидгажиевийг 10:0 онооны харьцаагаар хожиж мөнгөн медалийн төлөө энэтхэгийн бөх Сомбеертэй өрсөлдөж 10:0 онооны харьцаагаар буулган авч олимпийн эрх авч алтан медалийн төлөө казахстаны бөх Аслан Кахизетэй барилдаж 7:5 онооны харьцаагаар ялжээ.

Өмнө нь 2012 онд Финланд улсын Хельсинки хотод болсон “Лондон-2012” олимпийн наадмын сонгон шалгаруулах тэмцээнээс мөнгө медаль хүртэж байсан юм.

Эмэгтэй 48 кг-ын жинд 8 бөх барилдсанаас олон улсын хэмжээний мастер Э.Нарангэрэл нэгдүгээр тойрогт БНАСАУ-ын бөх Сим Ханг Сотой өрсөлдөж 4:14 онооны харьцаагаар дийлджээ.

Энэ сонгон шалгаруулах тэмцээнээс эрэгтэй чөлөөт бөхийн төрөлд Казахстан 4, Япон 3, БНСУ, БНХАУ, Киргиз, Монгол, Энэтхэг тус бүр 1, эмэгтэй чөлөөт бөхийн төрөлд Казахстан 4, Вьетнам, Монгол тус бүр 2, БНХАУ, Киргиз, Тайвань, Япон тус бүр 1 олимпийн эрх хүртлээ.

Дараагийн олимпийн сонгон шалгаруулах тэмцээн Улаанбаатар хотод дөрөвдүгээр сарын 22-24-ний өдрүүдэд болно.

Эмэгтэй

48 кг 1. Жулдыз Эшимова, Zhuldyz Eshimova /Казахстан, азийн аварга

шалгаруулах тэмцээний хүрэл медальт/

2. Ти Ханг Ву, Thi Hang Vu /Вьетнам/

3. Юми Лее /БНСУ/

3. Винеш Винеш /Энэтхэг/

63 кг 1. Хиангиан Ванг, Xiaoqian Wang /БНХАУ/

2. Екатерина Ларионова, Yekaterina Larionova /Казахстан,ДАШТ-

ний болон азийн аварга шалгаруулах тэмцээний хүрэл медальт/

3. Анита Анита /Энэтхэг/

Эрэгтэй