Т.Санчир энэ улирлын хамгийн өндөр оноог авав

Т.САНЧИР ЭНЭ УЛИРЛЫН ХАМГИЙН ӨНДӨР ОНООГ АВЧ БАГАА ХОЖИЛД ХӨТӨЛЛӨӨ
Ирвэс 136-119 Лидер

Супер лигийн супер лхагва гараг хэмээн нэрлэгдээд байсан энэ өдрийн тулаанууд үнэхээр супер байж спортын төв ордонд цугалсан хөгжөөн дэмжигчидийг уйдаагаагүй юм. Энэ өдрйин эхний тоглолт Сентоза Ирвэсүүд болон, Архангай Лидерүүдийн тулаан байлаа.Хоёр баг эхнээсээ маш их оноо авалцаж байсан ба бөмбөг хамгийн олон удаа цагирагт орсон тоглолт болсон. Багууд нийлээд 255 оноог авсан нь энэ улирлын хамгийн өндөр оноо ба Т.Санчир 47 оноо авсанаар нэг тоглолтонд авсанэнэ улирлын хамгийн өндөр оноо авсан тоглогч болсон юм.Ирвэсүүдийн гарааны тавт гайхалтай байж дөрвөн тоглогч 20+оноог авсанаар Лидерүүдийг буулгаж авахад хангалттай байлаа.Мөн багаараа 50%-тай довтолж байсан нь Лидерүүдийн хамгаалалт ямар сулбайсныг харуулж байна. Э.Дорж-арилд 29 оноо, 9 самбараас бөмбөг авалт гүйцэтгэхдээ 63%-тай довтолсон бол 8 удаа довтолгооны самбараас бөмбөг авсан гайхалтай үзүүлэлттэй байна. Мөн Э.Цэвэлдорж 24 онооо авахдаа 66%-тай довтолсон бол С.Эрдэнэдалай 66%-тай довтолж 13 оноо, 11 самбараас бөмбөг авалт, Dylan Brewer 22 оноо, 7 ашигтай дамжуулалт гүйцэтгэснээр улирлын 6 дахь хожлоо авж хүснэгтийн нэгдүгээр байраа баталгаажууллаа.

Харин Архангай Лидерүүдийн хувьддовтолгоо тун давгүй байсан ч хамгаалалтаа муу хийснээр баг нь хожигдсон юм. Очирбат гайхалтай байж 37 оноо, 17 самбараас бөмбөг авалт гүйцэтгэсэн нь түүний замналын хамгийн өндөр оноо болон бичигдэж байгаа юм.Тэрээр 37 оноо авахдаа 76%-тай довтолсон гэх гайхалтай үзүүлэлттэй байгаа бол Jonathan Blake 30 оноо, 8 самбараас бөмбөг авалт, 7 ашигтай дамжуулалт гүйцэтгэсэн ч хангалтгүй байлаа. Мөн тэдний хожигдсон гол шалтгаануудын нэг бөмбөг алдалтбайсан бөгөөд тоглолтын турш багаараа 25 бөмбөг алдалт хийж эсрэг баг нь хурдан довтолгоогоо амжиллтай болгож байснаар баг нь хожигдсон юм.

СУПЕР ЛИГИЙН СУПЕР РИВАЛД ХАРЦАГА ИЛҮҮРХЛЭЭ Харцага 119-95 Гарьд

Энэ өдрийн хоёр дахь тоглолт супер ривалд тооцогдох Альяанс-тех Харцага болон Дархан Гарьдуудын тоглолт байлаа. Дархан Гарьдын хувьд хоёр лигонер тоглогч шинээр авчирсан сайхан мэдээтэй байсан бол Харцагуудын бүрэлдхүүнд гэмтлийн улмаас тоглолтонд оролцож амжаагүй байсан Ц.Азбаяр иргэн ирсэн сайн мэдээтэй багууд учраа таарсан юм.Steve Pledgerирсэн цагаасаа хойш сайн тоглолтыг үзүүлж байгаа ба өнөөдөр бас нэгэн онцгой тоглолтоо үзүүлж 44 оноо авсанаар супер лиг дахь хамгийн өндөр оноогоо авсан юм. Мөн Г.Баттөр 21 оноо, 12 оновчтой дамжуулалт, Teeng Akol 18 оноо, 11 самбараас бөмбөг авалт, П.Болортулга 15 оноо, 12 самбараас бөмбөг авалт Э.Дөлгөөн 11 оноо тус тус авсанаар өрсөлдөгчөө буулган авлаа.

Харин Дархан Гарьдуудын хувьд анхны тоглолтондоо оролцсон хоёр лигонер тоглогч тун сайн тоглолтыг үзүүлж Turman 31 оноо, 15 самбараас бөмбөг авалт, Turner 16 оноо, 12 самбараас бөмбөг авалт, 8 оновчтой дамжуулалтыг гүйцэтгэсэн нь тэдэнд байсан хамгийн сайн мэдээ юм. Мөн А.Тэмүүжин 17 оноо, О.Ууганбаяр 15 оноо, 11 самбараас бөмбөг авалт гүйцэтгэсэн ч хожиход хангалтгүй байлаа. Тэд багаараа 36%-тай довтолсон бөгөөд хамгаалат ч төдийлөн сайн байгаагүй нь Харцагууд 47%-тай довтолж байснаар харагдаж байна.

Улмаар Харцагууд хожсоноор энэ улиралд таарсан хоёр тоглолтондоо багууд нэг нэг хожил байгуулж тэнцээд байна.