Утсанд ухаанаа алдаад живэв

Өөрийн ухаалаг гар утасны дэлгэцэнд нүүрээ наах шахуу явж байсан хятад бүсгүй хөл алдан усны суваг руу унаад живж орхижээ. Энэ хэрэг явдал өчигдөр тус улсын Жэзян мужийн Вэньжоу хотын ойролцоо орших нэгэн тосгонд гарсан байна.

28 настай эмэгтэйн нөхөр цагдаа нар уснаас талийгаачийн гутлыг гаргаж ирсний дараа л эхнэрээ өөд болсон гэдгийг мэдсэн гэнэ.

Хяналтын камерууд түүний хэрхэн усанд унаж, живж буйг бичиж авчээ. Орон нутгийн засаг захиргаа ард иргэдэд усны сувгийн орчимд анхаарал болгоомжтой явахыг сануулаад, хөдөлгөөнд оролцохдоо ухаанаа утсандаа даатгахгүй байхыг хүсчээ.