“М Си Эс"-ийн барьсан автозамыг нийслэл худалдан авахаар боллоо

Нийслэлийн ИТХ-ын Тэргүүлэгчдийн ээлжит хуралдаан болж хуралдаанаар П.Гэндэнгийн гудамжны 0,6 км автозамыг нийслэлийн өмчид худалдаж авах тухай асуудлыг хэлэлцэн баталлаа.

Энхтайвны өргөн чөлөөнөөс Олимпийн гудамжийг холбосон буюу Гэрлэх ёслолын ордны урдах0,6 км урттай,авто замын өргөтгөл, шинэчлэлтийн ажлыг2014 оны 10 дугаар сард нийслэлийн Авто замын газрын захиалгаар "М Си Эс Проперти" ХХК-ийн хөрөнгө оруулалттайгаар ЭСТО ХХК шинэчлэн барьжээ. Зам шинэчлэгдсэнээр 2 урсгалтай байсан хуучин зам 4 урсгалтай болж, замын 2 хажуугаар 587 м газарт ус зайлуулах байгууламж, 1234 м урт L-хэлбэрийн хашлага суулгасан байна.

Түүнчлэн замын хучилтийн хийцийг хөлдөлтөөс хамгаалах үе, цементээр бэхжүүлсэн суурь, асфальт бетон хучилтаар хийсэн байна.Явган хүний замд зориулж хашлага 1500 м, замын хавтан 2526 м2-ийг шинээр суулган барьжээ. Энэхүү автозамын барилгыннийт ажил нь 1,585,0 /нэг тэрбум таван зуун наян таван сая/ төгрөгийн өртөгтэй юм байна. Тус замыгэнэ оны 11 дүгээр сард Улсын комисс хүлээн авч, ашиглалтыг УБ нэгтгэлд хариуцуулжээ.

НИТХ-ын Тэргүүлэгчдийн хуралдаанаас Сүхбаатар дүүргийн 1 дүгээр хорооны нутаг дэвсгэрт “М Си Эс проперти” ХХК-ийн хөрөнгөөр барьж ашиглалтад оруулсанП.Гэндэнгийн гудамжныавто замын өргөтгөл, шинэчлэлтийн0,6 км ажлыг нийт 1 585 000 төгрөгөөр Нийслэлийн замын сангийн хөрөнгөөр нийслэлийн өмчид худалдан авах боллоо.