Снөүбоардчид аваргаа тодрууллаа

Дэлхийн снөүбоардын өдөр 2015.12.20-ны өдөр болдог бөгөөд энэ өдрийн хүрээнд Снөүбоард сонирхогчдын дунд уралдаан Скай Ресорт цанын баазад амжилттай зохион байгуулав. Тус уралдааныг Скай Ресорт цанын бааз болон Монголын мэргэжлийн снөүбоардын холбоо Speedfit mongolia хамтран зохион байгуулж аваргуудаа тодрууллаа. Тэмцээнд Монгол, Япон, Хятад, Солонгос улсын нийт 40 снөүбоардчид оролцсон юм.

-Снөүбоард кросс сонирхогчийн эрэгтэй төрөлд Б. Хишигбаатар алтан медаль, мөнгөн медалийг Япон улсын тамирчин Мацуй, хүрэл медалийг Д. Дашдаваа нар хүртсэн юм.

-Снөүбоард кросс сонирхогчийн эмэгтэй төрөлд М.Халиун алтан медаль, А. Оюун-Эрдэнэ мөнгөн медаль, хүрэл медалийг Б. Одмаа нар хүртэв.

-Снөүбоард фрийстайл төрөлд Н. Оргилсайхан алтан медаль, мөнгөн медаль Ц. Тэмүүжин, хүрэл медалийг Б. Хишигбаатар нар тус тус хүртлээ.

Тус өдрийг дэлхийн 20 гаруй орны 250 орчим цанын баазуудад снөүбоардчид нэгэн зэрэг тэмдэглэн өнгөрүүлжээ.

Н.Цэнгэл