Футзалын УАШТ-ий шилдэг найман баг тодорлоо

Футзалын УАШТ-ий долоо дахь өдөр 1/8 шигшээн тоглолтууд явагдаж дууслаа. "Хангарьд Сити-Дүнжингарав" өөрсдийн учраа болох "Замчин" багийг торгуулийн цохилтоор буулгаж авчээ. Тоглолтын эхний үеийн цорын ганц гоолыг А.Бодьрагчаа оруулж харин 2-р үеийн эхэнд Б.Баярбат гоол оруулснаар Хангарьд Сити тоглолтыг хошуучилж байв. Гэсэн ч Замчин багийн тамирчин Т.Ганзориг 13 дахь минутанд дараалсан хоёр гоолыг оруулж тооны харьцааг тэнцүүлсэн байна.

Ийнхүү үндсэн цаг өндөрлөж багууд торгуулийн цохилт хийж "Хангарьд Сити" хожил байгуулсан байна. Тэднээс 5 цохилтыг гүйцэтгэсэн бүх тамирчид үүргээ амжилттай биелүүлсэн бол Замчин багийн сүүлийн цохилтыг гүйцэтгэсэн тоглолгч алдсанаар ийнхүү тэмцээнийг орхилоо.