Тэрүнофүжи тэргүүлж, Какүрюү нэхэж байгаа ес дэх өдрийн тойм

Мэргэжлийн сүмогийн Аки башё ес дэх өдрөө амжилттай үргэлжилж байна. Өнөөдөр манай бөхчүүд хоорондоо барилдаж Сэйро А.Өнөболд Таканойва Баасандоржтой барилдан унасан бол Кагамио Тамавашитай барилдан уналаа. Өнөөдөр Асасекирюү Б.Дашням, Токитэнкү А.Хүчитбаатар, өвөрмонголын Сококүрай, Кёкүшюүхо Эрдэнэбаатар нар өрсөлдөгчдөө унасан юм.

Өчигдөр Н.Цэвэгням NHK телевизийн зочноор уригдан тэмцээн тайлбарласан бол өнөөдөр Ваканосато тэмцээн тайлбарлав. Энэ сард япон бөхчүүдээс маэгашира Икиой маш сайн барилдаж 8-1 амжилттайгаар тэргүүлэгчдийн эгнээнд явсаар байна. Маргааш тэрбээр залуу хүчтэн Эндотой хүчээ үзнэ.

Аки башёг ганцаараа тэргүүлж буй озеки Тэрүнофүжи өнөөдөр Ичиножёо А.Ичинноровтой хүчээ үзсэн юм. Тэд хоорондоо тав барилдсанаас Тэрүнофүжи дөрөвт нь давсан үзүүлэлттэй байсан. Энэ давамгайллаа тэрбээр үргэлжлүүлж Ичиножёод барьц өгөлгүй дэвжээнээс түлхэн гаргалаа. Маргааш Тэрүнофүжи нутгийн ах Тамавашитай барилдах бол Ичиножёо хашир бөх Аминишикитэй барилданан.

Япон озеки болох Гойёдо-Котошёогикү нар хоорондоо барилдан Котошёогикүгийн ялалтаар өндөрлөсөн бөгөөд маргааш тэрбээр океки Кисеносатотой барилдана. Энэ барилдаан маргаашийн ГОЛ онцлох барилдаан болно. Озеки Кисеносато өнөөдөр Окиноумитай барилдан дэвжээний захад түрэн гаргах дөхсөн боловч мушгиулан чухал ялалтаа алдан тэргүүлэгчийн гуравдугаар эгнээнд шидэгдсэн юм.

Мэргэжлийн сүмогийн 71 дэх аварга Какүрюү өнөөдөр Такарафүжитэй барилдаж ошидаши мэхээр өрсөлдөгчөө түлхэн гаргав.Маргааш тэрбээр Сэкиваке Миёгорюүтэй барилдах аж. Эхний есөн өдрийн дараа Тэрүнофүжи тэргүүлж, Какүрюү, Икиой нэг унаатайгаар удаалж байна.