Лиам Нисонд санаа зовниж эхэлжээ

“Оскар”-ын шагналт “Шиндлерийн бүртгэл”, “Хулгайлагдсан” киногоор олны танил болсон холливудын нэрт жүжигчин Лиам Нисоны гэнэтийн өөрчлөлт фэнүүдийнх нь сэтгэлийг түгшээж эхэлсэн тухай “www.dailymail.co.uk” мэдээллээ.

Тэрбээр өмнөхөөсөө өөрчлөгдөж, наснаасаа 10 насаар хөгшин харагдахаас гадна гадаад төрхөндөө огтхон ч анхаарал тавихаа больсон юм. Нисон их турсанаас гадна үс нь бууралтсан байна.

Хэвлэлүүд жүжигчин эрийг шинэ дүрийнхээ төлөө гадаад төрхөө өөрчилж байгаа хэмээн мэдээлж буй ч фэнүүд нь өөр бодолтой байна. Нисоны фэнүүд инстаграм, твиттерээрээ “Бидний хайртай жүжигчин хаана байна аа”, “Лиам Нисон чамд юу тохиолдов оо” гэх мэтээр сэтгэгдлээ үлдээх болжээ.

Жүжигчний хэвлэлийн албанаас мэдээлснээр “Лиам Нисон саяхан эмнэлэгт хүргэгдэж, эмчилгээ хийлгэсэн. 2016 оныг хүртэл киноны зураг авалтад оролцохгүй, биеийн эрүүл мэнддээ анхаарал хандуулахаар болсон” гэжээ. Тэрбээр таван жилийн өмнөөс чихрийн шижингээр шаналах болсон юм.

Б.Дэлгэрцэцэг