Усэйн Болтыг дайрч унагасан бичлэгийг хэдэн сая хүн үзжээ

Бээжинд болж байгаа хөнгөн атлетикийн ДАШТ-ий үеэр нэгэн хөгжилтэй явдал болжээ. Ямайкийн хурдан гүйгч, дэлхийн хамгийн хурдан хүн Усэйн Болт уралдааны дараа фэнүүдтэйгээ мэндчилэн явж байх үед хажуугаар нь дагаж явсан зураглаач бүтэлгүйтэж унахдаа тамирчныг ч мөн унагаж орхижээ. Энэ бичлэгийг youtube-д тавигдсаны дараа 2 сая гаруй хүн үзээд амжжээ.

Тэрээр Бээжингийн ДАШТ-ээс эрэгтэйчүүдийн 100, 200 метрийн гүйлтэд түрүүлж хоёр алтан медаль хүртээд байгаа юм. Ингэснээр тэрээр 2009 оны ДАШТ-ээс хойш 10 дахь алтан медалиа хүртээд байна.