Г.Болдбаатар Казакстаны жүдочид ялагдлаа

Дэлхийн аваргын эрэгтэйчүүдийн -60 кг-ын жинд барилдаж байгаа МУГТ Г.Болдбаатар дөнгөж сая медалийн төлөөх барилдаанаа Казакстаны жүдочтой хийлээ. Манай бөх юко үнэлгээ алдаж өрсөлдөгчдөө ялагдсанаар хүрэл медалийн төлөө дэлхийн аваргыг үргэлжлүүлэх болж байна.

Тэрээр хүрлийн төлөө Өмнөд Солонгосын жүдоч Ким Вон Жинтой барилдах юм. Хоёр бөх 2013 оны Рио де Жанейрогийн дэлхийн аваргад мөн хүрлийн төлөө барилдаж манай бөх ялагдаж байсан түүхтэй. Тэгвэл тэд дэлхийн аваргын хүрэл медалийн төлөө дахин барилдахаар болж байна.

Нөгөө дэвжээн дээр мөн л Казакстаны жүдоч учраагаа ялсан бөгөөд ингэснээр дэлхийн аваргыг зохион байгуулагч орны хоёр жүдоч эрэгтэйчүүдийн -60 кг-ын жинд аваргын алтан медалийн төлөө барилдаж, ингэснээр Казакстаны шигшээ эхний өдөр алт, мөнгөн медаль нэг нэгийг хүртэж медалийн тоо, чанараар ДАШТ-ийг тэргүүлж эхлэх нь тодорхой болж байна.