Гавьяат М.Уранцэцэг эхний учраагаа цэвэр яллаа

Эмэгтэйчүүдийн -48 кг-ын жинд дэлхийн аварга, МУГТМ.Уранцэцэг дөнгөж сая эхний барилдаанаа хийлээ. Гавьяат тамирчин М.Уранцэцэг Хятадын жүдоч Ши Ши Цайг өчиг мэхээр иппон үнэлгээ авснаар цэвэр ялаад байна.

Манай жүдоч жиндээ дэлхийн чансааг хол тасархай тэргүүлж байгаа тул А хэсгийг тэргүүлж барилдаж байгаа.

Тиймээс эхний тойрогт хийлж хоёр дахь тойрогтоо ийнхүү Хятадын жүдочийг яллаа.

Түүний дараагийн өрсөлдөгч нь Японы алдарт жүдоч Харуна Асами юм. Харуна Асами дэлхийн хоёр удаагийн аварга 2013 оны Рио Де Жанейрогийн дэлхийн аваргад манай жүдоч М.Уранцэцэгт аваргын төлөө ялагдаж мөнгөн медаль хүртэж байсан юм.

Тэгвэл өнгөрсөн дэлхийн аваргаар аваргын төлөө барилдаж байсан хоёр жүдоч ийнхүү хэсгийн гуравдугаар тойрогт учраа таараад байна.

Казакстаны Астана хотноо Жүдо бөхийн дэлхийн аварга шалгаруулах тэмцээний эхний өдрийн барилдаанууд явагдаж байна. Өнөөдөр эрэгтэйчүүдийн -60, эмэгтэйчүүдийн -48 кг-ын жингийн барилдаанууд явагдаж ялагчаа тодруулна.