4000 жилийн настай ээж, хүү хоёрын булш олджээ

Хятадын археологичид Лужиа мужаас 4000 жилийн настай ээж, хүү хоёрын булш олсон талаар “www.dailymail.co.uk” мэдээллэв. Араг ясны ерөнхий байдал ээж нь хүүгээ тэвэрсэн байдалтай байжээ. Археологичид “Энэхүү араг яс МЭӨ 2000 буюу хүрэл зэвсгийн үед хамаарагдана. Энэ үед Чинхайд аймшигт хүчтэй газар хөдлөлт болж, олон мянган хүн амиа алдсан. Газар хөдлөлтийн үеэр ээж нь хүүгээ нурангиас хамгаалж, тэвэрсэн байх. Мөн энэхүү булш олдсон бүс нутгаас 200 гаруй булш олдсон. Бид шалгаж байна” хэмээн мэдээллэсэн байна.

Лужиа мужид 1748 онд хүчтэй газар хөдлөлт болж, 2000 хүн амиа алджээ. Тус мужаас 200 гаруй жилийн настай булш их олддог. Харин 4000 жилийн настай булш олдсон нь анхны тохиолдол хэмээн “Синьхуа” агентлаг мэдээллэжээ.