Азийн сурагчдын аваргаас 7 медаль хүртээд байна

Сингапур улсад энэ оны тавдугаар сарын 30-нд нээлтээ хийсэн Азийн сурагчдын шатрын аварга шалгаруулах 11 дэх удаагийн тэмцээн амжилттай үргэлжилж байна. Өчигдөр өндөрлөсөн блиц тэмцээнд Монголын баг тамирчид амжилттай оролцлоо.

7 хүртлэх насны нээлттэй ангилалд А.Очир-Эрдэнэ Алтан медаль хүртсэн бол Э.Азжаргал 4-р байрт шалгарав. 9 хүртлэх насны нээлттэй ангилалд Х.Тэмүүжин мөн 4-р байр эзэллээ. 11 хүртлэх насны нээлттэй ангилалд Ц.Тэнгис Алтан медаль хүртсэн бол охидын ангилалд Г.Маралгуа мөнгөн медаль, Э.Удвал хүрэл медаль хүртэж, Н.Цогзолмаа 5-р байрт шалгарлаа. 13 хүртлэх насны охидын ангилалд О.Өлзийхишигжаргал 4-р байрт шалгарлаа. 15 хүртлэх насны нээлттэй ангилалд Б.Гарьдмагнай Алтан медаль хүртсэн бол 17 хүртлэх насны нээлттэй ангилалд Э.Болдоо хүрэл медаль, охидын ангилалд О.Жаргалмаа хүрэл медаль тус тус хүртлээ.

Өнөөдөр стандарт төрлийн 7 дахь өрөг үргэлжилж байна. Блиц тэмцээнд амжилттай оролцсон нийт тамирчиддаа баяр хүргэж, амжилт хүсье.

Н.Цэнгэл