Цахим спортын чансаа тогтоох УАШТ маргааш эхэлнэ

“Mountain Dew” Дэлхийн брэнд, “Монголын Электрон Спортын Холбоо” -ноос зохион байгуулж байгаа "DEW CHAMPIONSHIP Дархан 2015" чансаа тогтоох улсын аварга шалгаруулах тэмцээн энэ сарын 30, 31-нд Дархан хотод зохион байгуулагдах билээ. Тус тэмцээний техникийн зөвлөгөөн 2015 оны энэ сарын 27-нд Монголын Архектурын ордонд амжилттай зохион байгуулагдаж өнгөрлөө.

2015 оны Дэлхийн аваргад Монголын баг тамирчидаа амжилттай оролцуулахыг урьтал болгон, баг тамирчдын ур чадварыг дээшлүүлэх үүднээс энэ жилдээ гурван том үйл ажиллагаа төлөвлөсний нэг нь "Dew Championship Дархан-2015" юм.

Тэмцээний төрлүүд:

* Dota2 – 18 баг

* CS: Global Offensive – 16 баг

* FIFA2015 – 8 тамирчин

* Tekken Tag Tournament 2 – 8 тамирчин

* World of Tanks – 8 тамирчид тус тус дархан хотыг зорих юм.

“Mountain Dew” Дэлхийн брэнд, “Монголын Электрон Спортын Холбоо” нь Монголын электрон спортын хөгжлийн явцад олон ч тэмцээн уралдаан зохион байгуулж байсан. Харин энэ удаад үндсэн чиг хандлагаа өөрчлөн, дан тоглогчдод биш Монголын болоод Дэлхийн олон нийтэд өөрсдийнхөө үйл ажиллагаа, Монголын электрон спортын хөгжил зэргийг таниулах мэдээллийн болоод хөгжлийн чиг хандлага агуулсан тэмцээн уралдаануудыг зохион байгуулахаар төлөвлөн ажиллаж байгаа юм байна.

Н.Цэнгэл