NBА-гийн плей-оффын систем өөрчлөгдлөө

NBA-н шинэ комиссар Адам Силвер ажилаа хүлээж авснаас хойш, олон зүйл өөрчлөгдөнө хэмээн яригдаж байсан нь эхнээсээ биелэлээ олж байна гэхэд болно. Учир нь дивизионы амжилт хамаарахгүйгээр хоёр бүс тус бүрд хожил болон хожигдлынх нь харьцаагаар Плэйофф-т орох эхний 8 багийг шалгаруулдаг болсон байна. Өмнө нь дивизоны тэргүүн багууд автоматаар эхний дөрөвт жагсдаг байсан нь больж нэг дивизоны бүх багууд Плэй-оффт эхний дөрвөн байраар шалгарах ч боломжтой болжээ.

NBA-н удирдах зөвлөл удаан хугацаанд яригдсан дүрмийн өөрчлөлтийг зуун хувийн саналаар дэмжиж, ирэх улирлаас эхлэн хэрэгжүүлэхээр болжээ. Энэ шийдвэрийг мягмар гарагт NBA албан ёсоор зарлалаа.

Ингэснээр плей-оффын багууд дивизиондоо үзүүлсэн амжилтаар бус нийт тоглолтын харьцаагаар шалгарахаар болжээ. Дивизионы аварга багууд плей-оффын эхний дөрвөн байрын нэгт автоматаар багтдаг байсан хуучин дүрэм энэ улиралд түүх болон үлдэхээр болжээ.