Азийн АШТ-нд манай баг тамирчид оролцоно

Ирэх сарын 10-наас 15-ны хооронд волейболын эрэгтэйчүүдийн Зүүн Азийн аварга шалгаруулах тэмцээн Улаанбаатар хотод болох гэж байна.

Харин эмэгтэйчүүдийн Азийн аваргын тэмцээн манай урд хөршид тавдугаар сарын 18-наас 28-ны хооронд зохиогдох юм. Тус тэмцээнд Монголын эмэгтэй волейболчид оролцохоор болсон.

Тэд “В” хэсэгт Япон, Вьетнам, Тажикстаны шигшээтэй эхний шатанд өрсөлдөнө. Энэ оны Азийн эмэгтэй волейболын аварга шалгаруулах тэмцээн Бээжин, Тяньжин гэсэн хоёр хотод болж байгаагаараа онцлогтой аж.

2015 оны Азийн АШТ-ий эхний хоёр байрт шалгарсан баг 2016 оны “Рио де Жанейро” зуны олимпийн наадамд оролцох эрхийг хүртэх юм.