Олон тооны динозаврын чулуужсан өндөг олджээ

Хятадын нэгэн хотод олон тооны динозаврын өндөг олдсон нь дэлхийн сан хөмрөгт гайхалтай цуглуулгын тоог нэгээр нэмсэн байна. Өнгөрөгч Ням гаригт Хятадын Гуандон муж дахь Хэюуань хотод авто замын засварын ажлыг хийж байх үеэрээ барилгын ажилчид динозаврын чулуужсан 43 өндгийг олжээ.

“Динозаврын өлгий” хэмээн нэрлэдэг тус хотод 2004 онд хамгийн олон тооны динозаврын өндөгний цуглуулга олдож, музейд тавьснаар Гинессийн Дэлхийн дээд амжилтыг тогтоож байсан юм. Хэюань музейн дэд захирал Хуан Жишин CNN агентлагт ярихдаа, дээрх явдал нь хотын төвөөс эртний чулуужсан олдвор олдсон анхны тохиолдол болж байгааг онцлон тэмдэглэсэн байна.

Эх сурвалж: Undesten.mn