Хясаа дотроос бурхан олджээ

Хятадын Зонзоу гэх арлаас олдсон хясаа дотроос буддын бурхан олджээ. Тус улсын иргэн Ху гэгч энэ үнэт олдворыг олсон аж. Хясааны урт нь ойролцоогоор 17 см, өргөн нь 12 орчим см бөгөөд насанд хүрсэн эрэгтэй хүний гарын алга шиг хэмжээтэй байсан гэнэ. Улмаар нээж үзэхэд, дотроос нь их хэмжээний шавар гарч иржээ.Тиймээс Ху гэртээ авчраад угааж цэвэрлэтэл мөнгөлөг өнгийн буддын бурхантай адил хэлбэртэй зүйл дотроос нь гарч ирсэн байна.

Тэрбээр тэр даруй зургийг нь дарж, олон нийтийн сүлжээнд дэлгэж, хэвлэл мэдээллийнхэний анхаарлыг татах болжээ. Нэгэн найз нь Худ хүн хийгээд хясаан дотор наачихсан юм биш үү гэж хэлэх үед залуу гараараа салгахаар оролдсон ч энэ оролдлого нь бүтэлгүйтсэн байна. Ху “Би үүнийг байгалийн нэгэн өвөрмөц бүтээл гэж бодож байна. Үүнийг тайлбарлах хүн байгаа эсэхийг мэдэхгүй ч, тайлбарлаж чадах хүн байгаа гэж найдаж байна” гэж ярьжээ.

Б.Даваа