Залуучуудын боксын улсын аваргууд тодорчээ

Ази тивийн хошой аварга, Монгол Улсын гавьяат тамирчин Х.Алтанхуягийн нэрэмжит залуучуудын УАШТ гуравдугаар сарын 30-наас дөрөвдүгээр сарын 4-ний өдрүүдэд ОБЕГ-ын "Аврагч" спорт хорооны зааланд болсон юм. Тэмцээнд 34 байгууллагын 188 тамирчин (Эрэгтэй 133, эмэгтэй 55) эрэгтэйчүүдийн найм, эмэгтэйчүүдийн зургаан жинд өрсөлджээ.

Байгууллагын дүнгээр “Эрдэнэт бокс” клуб тэргүүлж, “Хангарьд”, “Барселона” клубүүд удаалсан байна. Тэмцээний шилдэг дасгалжуулагчаар Б.Пүрэв-Очир, шилдэг шүүгчээр Г.Бадрах, шилдэг эрэгтэй тамирчнаар Д.Мөнх-Эрдэнэ (Баянгол дүүрэг), шилдэг эмэгтэй тамирчинаар С.Осормаа (Ширэн бээлий) нар тодорсон бөгөөд хаалтын ажиллагааны үеэр 1995 оны Азийн аварга, Пан Азийн аварга, ОУХМ Ю.Дима эрэгтэйчүүдийн 49 кг-ын жинд алтан медаль хүртсэн Д.Мөнх-Эрдэнэд өөрийн нэрэмжит тусгай шагналыг гардуулжээ.

Залуучуудын УАШТ жин тус бүрт түрүүлсэн эмэгтэй тамирчид тавдугаар сарын 14-24-нд Тайванийн нийслэл Тайпэй хотноо болох залуучуудын ДАШТ-д өрсөлдөх эрхтэй болсон аж.

Тэмцээний дүн: Эрэгтэйчүүдийн 49 кг: 1. Д.Мөнх-Эрдэнэ (Баянгол дүүрэг) 2. А.Пүрэвдаваа (Хангарьд) 3. Л.Буян (Барселона), Д.Эрдэнэбат (Хангарьд)

52 кг: 1. Б.Төмөрхуяг (Барселона) 2. О.Гантогтох (Эрдэнэт бокс) 3. Г.Батдаваа, Д.Ганбаяр (Хоёул Хангарьд)

56 кг: Б.Мишээлт 2. О.Мөнхсайхан (Хоёул Хангарьд) 3. М.Гансүх (ОБЕГ), Т.Бадрал (Ширэн бээлий)

60 кг: Э.Эрдэнэбадрах (Талын бүргэд) 2. Б.Сүххуяг (Хангарьд) 3. Р.Өнөболд (ОБЕГ), Б.Мэндсайхан (Баянгол дүүрэг)

64 кг: 1. М.Батбаяр (Баянхонгор) 2. Б.Баасандорж (Хөх чоно) 3. Х.Зол-Эрдэнэ (Талын бүргэд), М.Мөнх-Оргил (Хөвсгөл аймаг)

69 кг: 1. Э.Элбэг (Барселона) 2. Э.Шижирбаатар (Хангарьд) 3. Б.Батбаяр (Дархан-Уул аймаг), М.Баасансүрэн (Хөдөлмөр алдар)

75 кг: 1. Г.Цэнгүүн (Улаан-ирвэс) 2. М.Төрмөнх (БСБТСДуС) 3. Ч.Ганзориг (Булган аймаг), У.Билгүүдэй (БСБТСДуС)

+75 кг: 1. Р.Тилюжан (Баян-Өлгий аймаг) 2. Б.Батболд (Сэлбэ плаза) 3. Э.Лувсандамчаа (Од), Г.Эрхэмбаяр (Хаялага)

Эмэгтэйчүүдийн 48 кг: 1. С.Осормаа (Ширэн бээлий) 2. Б.Нуржамила (Ред буллз) 3. Э.Мичидмаа (Эрдэнэт бокс), Т.Мөнхсаруул (Талын бүргэд)

51 кг: Р.Отгонбаяр (Баянхонгор) 2. Б.Мөнхсаран (Эрдэнэт бокс) 3. О.Энхмаа (Од), Э.Нямсүрэн (Барселона)

54 кг: 1. Д.Нандинсувд (Алдар) 2. Л.Ангараг (Талын бүргэд) 3. Х.Пүрэвцэцэг (Ховд), У.Даваажаргал (Ховд)

57 кг: 1. М.Намуун (Эрдэнэт бокс) 2. Э.Цэндсүрэн (Хаялага) 3. О.Сарангоо (Алдар), Э.Номин-Эрдэнэ (B-BUR)

60 кг: 1. Г.Үүрийнтуяа (Хангарьд) 2. Э.Цэндсүрэн (Хаялага) 3. Э.Цэнд-Аюуш (Баянхонгор), Х.Халиун (Топ-Ранк)

+60 кг: 1. Б.Хонгорзул (Эрдэнэт бокс) 2. Б.Баяржаргал (Хөдөлмөр аварга) 3. О.Гэрэлгуа (Хангарьд), Т.Саранчимэг (Баян-Өлгий аймаг)

Н.Цэнгэл