"KHUCH CUP-2015” жүдо бөхийн өсвөрийн аваргууд тодорчээ

Олон нийтийн аюулгүй байдлыг хангах газрын Хамгаалалтын нэгдүгээр газрын Албаны спорт, сургалтын хэлтсээс санаачилж, Дэлхийн Зөн-Монгол олон улсын байгууллага, Монголын Жүдо бөхийн холбоотой хамтран зохион байгуулсан “Khuch cup-2015” жүдо бөхийн өсвөр үеийн аварга шалгаруулах тэмцээн энэ сарын 04-05-ны өдрүүдэд Спортын төв ордонд зохион байгуулагдлаа. Уг тэмцээнд хот, хөдөөгийн 32 байгууллагын эрэгтэй 217, эмэгтэй 132 нийт 349 тамирчин оролцож авхаалж самбаа, ур чадвараа сорин өрсөлдсөн юм.

Эрэгтэй багийн дүнгээр нэгдүгээр байранд “Хангарьд” спорт клуб, хоёрдугаар байранд Сүхбаатар дүүргийн “Тэмүүжин” клуб, гуравдугаар байранд Баянзүрх дүүргийн “Женко” клуб тус тус оржээ.

Харин эмэгтэй багийн дүнгээр нэгдүгээр байранд Хан-Уул дүүрэг “Женко” клуб, хоёрдугаар байранд Хөвсгөл аймаг, гуравдугаар байранд ОБЕГ-ын “Аврагч” спорт хороо тус тус шалгарсан байна.

Н.Цэнгэл