Японы шигшээ багийг Вахид Халиходжич дасгалжуулна

Японы хөлбөмбөгийн холбоо шигшээ багийн шинэ дасгалжуулагчаа олон нийтэд танилцуулсан байна. Босни мэргэжилтэн Вахид Халилходжич Наран улсын багийг дасгалжуулахаар боллоо.

Одоогоос 7 хоногийн өмнө Японы шигшээ багийг Босни мэргэжилтэн Вахид Халиходжич дасгалжуулна гэсэн мэдээлэл гарсан. Тэгвэл Японы хөлбөмбөгийн холбооноос өчигдөр Токио хотноо хэлвэлийн бага хурал зохион байгуулж Халиходжич Наран улсын багийг дасгалжуулах болсон гэдгийг албан ёсоор баталжээ. Өмнө нь Алжер, Кот Д Ивуарын багийн удирдаж байсан байсан ахмад дасгалжуулагч Халиходжич ийнхүү Хавьер Агиррегийн ажлыг хүлээн авлаа. Агирре Испанид ажиллаж байхдаа тоглолт наймаалцсан хэрэгт холбогдож, өнгөрсөн сард ажлаасан халагдаад байсан юм. Масахиро Шимода Японы хөлбөмбөгийн холбооны техникийн захирал Өнөөдөр техникийн зөвлөлөөс Вахид Халиходжичыг томилж байна. Би хүн бүрт Халиходжич шигшээ багийг дасгалжуулах болсон гэдгийг дуулгая, Босни мэргэжилтэн өнгөрсөн 11-р сард Туркийн Трабзонспор багийг орхисноос хойш ажилгүй байгаа.Түүний ур чадвар өмнөх туршлагыг харгалзан үзэж энэ албанд томилсон гэдгийг хэлсэн байна. Түүнээс гадна Барселона Реалд тоглож байсан Михайл Лаудруп, Освалдо Оливэйра гэсэн дасгалжуулагчтай Японы хөлбөмбөгийн холбоо холбогдоод байсан, Гэхдээ энэ 2 мэргэжилтэн Катар болон Бразил улсад ажиллаж байгаа билээ. Масахиро Шимода Японы хөлбөмбөгийн холбооны техникийн захирал Түүний өнгөрсөн түүх, туршлагыг авч үзсэн,Бас уулзалт хийж эдгээр хүчин зүйлээс гадна түүний хувийн ур чадварыг харгалзан үзэж бид Халиходжичтэй гэрээ хэлэлцээр хийхээр шийдсэн юм. Японы шигшээ баг ирэх 6-р сард дэлхийн аваргын урьдчилсан шатны тоглолтоо хийж эхэлнэ. Үүнээс өмнө Тунис, Узбекистаны багуудтай нөхөрсөг тоглолт хийх хуваарьтай байгаа бөгөөд Азийн 4 удаагийн аваргууд 6 дахь удаагаа дараалан дэлхийн аваргад орлоцох боломжтой билээ. Харин Вахид Халиходжич Кот Д Ивуарын багийг багийг удирдан 2010 оны дэлхийн аваргад оролцох эрхээ авсан.Гэсэн ч тэмцээн эхлэхээс өмнө ажлаасан халагдсан юм.

Э.Ерөөлтхүү