Исламын улсынхан Твиттерийн боссыг заналхийлэв

Исламын улс бүлэглэлийнхэн “Твиттер”-ийг үүсгэн байгуулагч Жэк Дорсиг онлайнаар заналхийлжээ.Тус сүлжээнээс Исламын улс бүлэглэлийг сурталчилдаг аккаунтыг хаасны дараа “justpaste.it” цахим хуудас дээр террорист бүлгийнхэн заналхийлсэн захидлаа нийтэлсэн байна. Тэд өөрсдийнх нь хуудсыг хааснаар Твиттер Исламын улсын эсрэг дайн зарлалаа хэмээн буруутгаад тус компанийн ажилтнууд одоо хэт даврагсдын бай болсон,сүлжээг үндэслэгч Жэк Дорсиг үгүй хийнэ хэмээн мэдэгджээ.

Бусдыг үзэн ядсан, заналхийлсэн утга бүхий пост нийтлэхийг хориглодог Твиттер сүлжээ Исламын улстай холбоотой аккаунтуудыг идэвхтэй хаасаар ирсэн юм.