Bill Gates хүний ялгадаснаас гаргаж авсан ус уужээ

Дэлхийн хамгийн том компьютерын программ хангамжийн Microsoft компанийг үүсгэн байгуулагчдын нэг Bill Gates нь буяны үйл ажиллагаанд гар татдаггүй нэгэн. Тэрээр мөн ивээн тэтгэх үйл ажиллагааг дуртайяа хийдэг бөгөөд түүний Bill & Melinda Gates Foundation сан нь дэлхийн ирээдүйн оршин суугчдын амьдрах нөхцлийг сайжруулахад тустай олон үйл ажиллагаа явуулдаг. Түүний нэг нь бүх дэлхий даяар ашиглах бохир ус зайлуулах системийн тогтвортой үйлчилгээг бий болгох юм. Энэхүү төслийн зорилго нь бүрэн шинэ бохир ус зайлуулах технологи болон эрүүл ахуйн бүтээгдэхүүн, үйлчилгээний зах зээлийн хөгжлийг дэмжих юм байна.

Bill Gates хүний ялгадаснаас гаргаж авсан ус ууж байна 1 Төслийн хүрээнд хүний ялгадсыг боловсруулснаар ундны цэвэр ус гарган авах ажил амжилттай хийгдэж байгаа ба Bill Gates 100 хувь цэвэр ундны усыг ууж амталж үзсэн байна. Тэрээр хэлэхдээ “Дамжуулагч туузан дээрх бөөн өтгөн, ялгадас том сав руу орж, дараа нь машинаар дамжин боловсруулагдсаны эцэст хэдэн минутын дараа гэхэд би аяга цэвэр ус амтлах боломжтой болсон юм” гэжээ.

Мөн хүний ялгадсыг ус болон цахилгаан болгон хувиргах энэ үйлдвэрт амссан ус нь яг л дэлгүүрээс худалдаж авсан цэвэр устай адил амттай байсны дээр энэ бүхнийг бий болгосон нөр их хөдөлмөр, судалгаа шинжилгээний ажлын эцэст өдөр бүр ийм ус уухдаа баяртай байх болно гэдгээ ч дурдсан байна.