Суллагдах гээд өөрийгөө хэмх нүджээ

Энэ оны нэгдүгээр сарын 09-нд Александр Томашевски гэгч залуу насанд хүрээгүй хүүхдийг оролдсонд сэжиглэгдэн саатуулагджээ. Мань эрийг Калифорни муж дахь түр саатуулах байранд хийсний дараа тэрбээр хуягууд түүнд хүч хэрэглэсэн хэмээн гомдоллох болсон аж.

Шоронгийн удирдлага түүний гомдлыг тоогоогүй тул Александр эрх чөлөөтэй болохын тулд илүү шийдэмгий хөдлөх болж, өөрийн хэлсэн үгийг батлах үүднээс нүүр амаа эрэмдэг болгожээ.

Гэвч тэрбээр бүтэлгүйтсэн байна. Сайн эр өөрийгөө зодож, нүдэж байгааг хяналтын камерууд бичиж авсан бөгөөд шүүхээр түүнд гурван жилийн тэнсэн харгалзах ял, 600 долларын торгууль ногдуулсан аж.