Сэргэр хөх аюулд хүргэв

Британийн Доркинг хотын оршин суугч 22 настай бүсгүй Эми Хоскинс ээж шигээ сэргэр том хөхтэй болохыг мөрөөддөг нэгэн байв. Том хөх түүнийг өөртөө итгэлтэй болгож, эрчүүдийн харааг булаана гэж бодсон хэрэг. Ээжийнхээ бүрэн дэмжлэгтэйгээр Эми хөхөө томруулах ажилбар хийлгүүлжээ. Хагалгаа ч амжилттай болжээ. Эхэндээ бүсгүй шинэ дүр төрхөндөө сэтгэл ханамжтай байсан гэнэ. Гэвч удалгүй суулгацууд нь цээжин дотор нь хөдөлж эхэлсэн байна. Хөх нь унжиж, мурийсан бөгөөд хөхний толгой нь томорчээ. Мэс засалч энэ гажгийг нь засахаа амласан ч нэмж мөнгө төлөхийг шаарджээ.

Харамсалтай нь, бүсгүйд дахин хагалгаа хийлгэхэд шаардлагатай мөнгө байгаагүй учраас яйжгий хөхтэй амьдрахад хүрэв.

Хараа дээгүүр алхахын оронд Эми хүн амьтнаас ичиж зовон гадагш гарахаа ч больжээ. Ээж болон найз залуутайгаа харьцахаа ч больсон гэнэ. Азаар бүсгүй “Зэрэмдэглэгдсэн бие цогцос” гэдэг нэртэй телевизийн нэвтрүүлэгт оролцсоноор өндөр мэргэжлийн хүмүүсийн туслалцааг үнэгүй авахаар болсон аж. Лондон хотын пластик мэс засалч Патрик Малуччи Эмид хагалгаа хийхийг зөвшөөрч, түүний хөхийг бүрэн эдгээхээ амлажээ. Тэрбээр мөн бүсгүйд суулгацаа дэндүү том хэмжээтэйг сонгож авсан учраас ийм аюулд орсон гэдгийг нь хэлж өгөв. Эми өөрийн биед дэндүү “ахадсан” хөх сонгож авсан тул ийм байдалд орсон аж. - See more at: http://www.wikimon.mn/content/59704.shtml #sthash.B1MPhZdw.dpuf.jpg","thumb":"s/n/s/dpuf.jpg"}]