Холливудад “амжилт олсон - 10” Солонгос жүжигчин

Кино урлагийн салбар эрчимтэй хөгжиж буй БНСУ-д өрсөлдөөн дундаас ялгарч алдартай жүжигчин болно гэдэг хэцүү даваа. Гэхдээ Солонгосын зарим уран бүтээлчид эх орондоо тодроод зогсохгүй бүр Холливудын кинонд тоглох санал хүлээн авч алдар нэрээ дэлхийд цуурайтуулж чаджээ. Эдгээр авьяаслаг, үлгэр жишээ уран бүтээлчдийн товч танилцуулгыг хүргэж байна.1

Маргарет Чо

Маргарет Чо 1968 онд АНУ-ын Сан Франциско хотод Солонгос гэр бүлд мэндэлжээ. Түүний уран бүтээлийн гараа Солонгос киногоор эхэлсэн бол удалгүй Холливудад ажиллах санал авч амжилтын зам нь өргөжин тэлсэн түүхтэй. Тэрбээр авьяаслаг жүжигчнээс гадна кино зохиолч, дуучин бөгөөд энэ зууны “K-Pop”-ын хамгийн шилдэг уран бүтээлч гэсэн тодотголтой.2

Юнжин Ким

Өмнөд Солонгос улсад 1971 онд мэндэлсэн Юнжин Ким арван настайдаа гэр бүлийнхээ хамт АНУ-д нүүж иржээ. Хүүхэд байхаасаа л жүжиглэх авьяас нь тодорч жижиг хэмжээний тоглолтуудад оролцдог байсан тэрбээр энэ мэргэжилд дурлаж эзэмшсэн түүхтэй. Юнжин Холливудын олон кинонд дүр бүтээсэн бөгөөд түүний гоо үзэсгэлэн, төгс төгөлдөр бие галбир, авьяас чадварыг шүтэн бишрэгчид нь ам уралдан магтацгаадаг.3

Уилл Юн Ли

АНУ-д төрж өссөн Уилл Юн Ли жүжиглэх авьяас билгээрээ аргагүй л тодорч чадсан Азийн бахархал юм. Учир нь тэрбээр Холливудын алдартай кинонуудад чадварлагаар дүр бүтээсэн жүжигчин. Түүний тоглосон кинонуудаас “Hawaii Five-0”, Жеймс Бондын цуврал болох “Die Another Day” зэргийг дурдаж болох юм.4

Ли Бёнхон

Ли Бёнхон бол Солонгост тэсрэлт хийсэн гайхалтай ур чадвартай, хөдөлмөрч жүжигчин билээ. Тийм ч учраас тэрбээр алс холын Америк улсад хүртэл үнэлэгдэж дэлхийн “од” болж чадсан юм. Түүний онцлох уран бүтээл нь “Red 2” болон “G.I.Joe: Retalation” юм.5

Пэ Ду На

Жүжигчин Пэ Ду На-г хүмүүс “God of Study” хэмээх Солонгос кинонд тоглосноор нь илүү сайн мэддэг. Харин тэрбээр “Cloud Atlas” хэмээх Америк кинонд дүр бүтээснээр олон улсын тавцанд хүчээ сорих эхлэлээ тавьсан бөгөөд өөрийгөө улам их дайчлан уран бүтээлээ үргэлжлүүлсээр байгаа билээ.6

Сон Кан

Жүжигчин Сон Кан “Fast and Furious” кинонд тоглосон дүрээрээ хүмүүсийн сэтгэлд хоногшиж чадсан. Түүнээс гадна хэд хэдэн Америк кинонд тоглосон нэлээд авьяаслаг жүжигчин юм.7

Рейн

Дуучин, жүжигчин Рейн “Full House” хэмээх Солонгосын олон ангит киногоор Азийн үзэгчдийн зүрх сэтгэлийг аргагүй л булаасан билээ. Харин түүний тоглосон Холливудын кино нь “Speed Racer”, “Ninja Assassin” хоёр юм. Тэрбээр “MTV” кино наадмаас “Шилдэг тулаанч жүжигчин” шагналыг хүртсэн нь БНСУ-ын кино урлагийн түүхэнд анхны тохиолдол болжээ.8

Дэниел Хенни

Хенни Дениел 1979 онд АНУ-д Солонгос ээж, Америк аавын хүү болон мэндэлжээ. Түүний тоглосон Солонгос кинонуудаас хамгийн алдартай нь “My Lovely Sam Soon”. Харин Холливудын кинонуудаас “X-Men Origins: Wolverine” болон “The Last Stand”-ийг онцлох нь зүйтэй болов уу.9

Стивен Ён

Солонгосын унаган иргэн Стивен Ён бол үндэстнийхээ нэрийг мандуулж яваа нэгэн бахархал нь билээ. Улсынхаа нэрийг олон улсад мандуулж яваа түүний онцлох уран бүтээлийг дурдвал “The Walking Dead”, “The Legend of Korra” зэрэг юм.10

Дэниел Дэ Ким

Дэниел Дэ Ким 1968 онд БНСУ-д төрсөн ба хоёр настайдаа аав, ээжийнхээ хамт АНУ-д ирж өсч торнижээ. Ийнхүү Америкийн кино урлагт өөрийн байр суурийг эзэлсэн бөгөөд “Lost”, “Hawaii-0” зэрэг нь түүний онцлох уран бүтээлүүд юм.