Барса эхний тоглолтдоо хожлоо

#f6f7f8; color: #373e4d;">Испаний эзэн хааны цомын тэмцээний шөвгийн наймын тоглолтууд эхэллээ. Энэ шатанд учраа таарсан Барселона- Атлетико Мадрид багуудын эхний тоглолт өнгөрсөн шөнө Камп Ноу цэнгэлдэхэд болжээ.

#f6f7f8; color: #373e4d;">Католаны багийн Камп Ноу цэнгэлдэхэд болсон тоглолтонд Диего Симеонэ Марио Манжукичыг сэлгээнд суулгаж Фернандо Торресийг гараанд гаргасан байна. Харин Луйс Энрике Месси, Суарес, Нэймар гэсэн шилдгүүдээ бүгдийг нь талбайд илгээжээ. Тоглолтын эхний аюултай довтолгоог Бразил довтлогч Нэймар хийсэн байна. Тэрээр 1 хамгаалагчыг аргалж 16-ийн торгуулийн талбайн гаднаас алсын цохилтыг хийсэн ч Словен хаалгач Ян Облак амжилттай хаажээ.Барса шөвгийн 16-д Элчег хожсон. Харин Атлетико нэг хотын ривал Реалыг нийлбэр дүнгээр хожсон билээ. Эхний хагаст Барса илүү тоглолтыг үзүүлсэн.

#f6f7f8; color: #373e4d;">Иван Ракитичын дамжуулалтаар Луйс Суарес цохилтыг хийсэн ч бөмбөг хаалганы дээгүүр өнгөрсөн юм. Улмаар эхний хагас 0-0ийн харьцаатай өндөрлөсөн бол тоглолт дуусахаас ердөө 5 минутын өмнө талбайн эзэд эхний гоолыг оруулжээ. Шүүгч Атлетико Мадридын хамгаалагч Хуанфраныг Серхио Бускэтс дээр алдаа гаргасан гэж үзсэн. Ингээд 11 метрийн торгуулийн цохилтыг Лионел Месси амжилттай болгож талбайн эзэд өрсөлдөгчөө 1-0ээр хожлоо. Тэд Атлетиког сүүлийн 11 өдөр 2 дахь удаагаа хожсон нь энэ байлаа. Харин хариу тоглолт 7 хоногийн дараа буюу ирэх Лхагва гарагт явагдах юм.