Зүрхээр наадагчдад гомдол гаргана

“Хувьсал” продакшны бүсгүйчүүд “Зэрлэг цэцэгсийн хүлэмж”, “Зүрхээр наадагч” кинонуудаараа багагүй амжилт олоод байгаа. Тэгвэл тус продакшны жүжигчин А.Ганчимэгийн зохиолыг нь бичсэн “Зүрхээр наадагч” кино шүүхэд дуудагдаж магадгүй нь гэнэ. Учир нь уг кино нь дээр жүжигчдийн нэр мөн кино нь дээр хэлэгддэг шүлгийн мөртийг тэд зөвшөөрөлгүй ашигласан гэнэ.

Яруу найрагч Хулганайн Тэргэл өөрийн цахим хуудаснаа “Зүрхээр наадагч” кинонд миний ах дүүсийн Эрхэс, Тэргэл, Ялгуун, Энхжин нэрийг ашиглахын зэрэгцээ аавын минь бидэнд бичсэн:

Эрхэс тэнгэрт

Тэргэл саран

Ялгуун сайхнаар

Энхжин мандмой” гэдэг шүлгийг ч бас зөвшөөрөлгүй ашигласан байна. Иймд тус киноны зохиогч, уран бүтээлчдийг оюуны өмчид зөвшөөрөлгүй хандсан гэж гомдол гаргахаа мэдэгдэж байна” хэмээн бичжээ.

эх сурвалж: mass.mn