”Дэлхийн мисс” тэмцээний оролцогч Т.Батцэцэгийн ээжтэй ярилцлага хийнэ

"Дэлхийн мисс 2014" тэмцээний сүүлийн шатны шалгаруулалт өнөөдөр орой Английн нийслэл Лондон хотноо болох гэж байна. Энэ удаагийн дэлхийн мисс шалгаруулах арга хэмжээнд манай улсын үндэсний ялагч Т.Батцэцэг тун амжилттай оролцож буй бөгөөд шилдэг оролцогчдын тоонд зүй ёсоор багтаад байгаа юм. Монголчууд бид ч түүнд ихээхэн итгэл найдвар тавьж сууна.

Тэгвэл "Дэлхийн мисс" тэмцээнийг жил бүр уламжлал болгон шууд дамжуулсаар ирсэн UBS телевизийн хамт олон өнөөдөр орой 21:30 минутаас дэлхийн гоо сайхны олимпод эх орноо төлөөлөн оролцож буй Т.Батцэцэгийн ээж А.Алтанцэцэгтэй ярилцлага хийхээр болжээ. Даширамд сонирхуулахад түүний ээж А.Алтанцэцэг нь хөнгөн атлетикийн тамирчин бөгөөд өнгөрсөн есдүгээр сард Япон улсад болсон ахмадын хөнгөн атлетикийн олон улсын тэмцээнээс хүрэл медаль хүртжээ.

эх сурвалж: news.mn