“Макдоналдс”-т порно үзүүлжээ

Швейцарийн Цухвилль хотод байрлах “Макдоналдс” зоогийн газрын үйлчлүүлэгчид тухлаж суугаад хоолоо идэж байтал танхим дотор өлгөөстэй том зурагтаар эротик кино гараад эхэлжээ. Нэгэн үйлчлүүлэгч сувгаа солихыг хүстэл ажилтнууд нь яарч сандран сувгаа солиод, болсон явдлын төлөө уучлал хүсчээ.

Тус сүлжээ зоогийн газрын хэвлэлийн төлөөлөгчийн хэлснээр бол заримдаа тэдний ажилтнууд үйлчлүүлэгчийн хүсэлтээр сувгийг солих явдал гардаг гэнэ. “Манай ажилтнууд үйлчлүүлэгчдэд анхаарал тавиад ажил ихтэй байсан тул том хүний кино зурагтаар гарсныг анзаараагүй байх” хэмээн хэвлэлийн төлөөлөгч нь мэдэгджээ.