Шатрын олон улсын тэмцээнд А.Энхтуул V байрт шалгарчээ

Өмнөд Америкийн Суринам улсад “Srefidensi” шатрын олон улсын тэмцээн зохион байгуулагдаж өчигдөр өндөрлөжээ. Энэхүү тэмцээний эмэгтэйчүүдийн “мастер класс” ангилалд манай улсын тамирчин шатрын их мастер А.Энхтуул өрсөлдөж, шагналт тавдугаар байрт шалгарчээ.

Тэрбээр уг ангилалд түрүүлсэн Голланд улсын тамирчин 2545 чансаатай эрэгтэй их мастертай тэнцэж, гуравдугаар байрт шалгарсан 2468 чансаатай эрэгтэй олон улсын мастерыг хожсон аж.

Шатарчин А.Энхтуул их мастер цолоо авсны дараах анхны тэмцээндээ амжилттай оролцож олон улсын чансаагаа +16-аар ахиулсан байна.

У.Жимсээ