Азийн туялзуур сэлэмний их наадам Улаанбаатарт зохиогдоно

Италийн Ром хотноо болсон Олон улсын туялзуур сэлэмний холбооны конгрессийн үеэр МТСХ-ны дэд Ерөнхийлөгч Л.Ганпүрэв ОУТСХ-ны Ерөнхийлөгч Алишер Усманов (ОХУ), дэд Ерөнхийлөгч Ван Вей (БНХАУ), ерөнхий нарийн бичгийн дарга Фредерик Петрушка нартай уулзаж санал солилцсон байна.

Хурлын үеэр 2015 онд Улаанбаатар хотноо зохион байгуулах Азийн залуучуудын аварга шалгаруулах тэмцээнийг есдүгээр дүгээр сарын 7-12-нд зохион байгуулахаар батлажээ.

Мөн Азийн туялзуур сэлэмний холбооны 2015 оны ерөнхий ассемблейг Улаанбаатар хотноо зохион байгуулахаар шийдвэрлэлээ. Тус хурал 2015 оны есдүгээр сарын 7-нд болох бөгөөд Азийн 35 улсын туялзуур сэлэмний холбооны төлөөлөгч болон ОУТСХ (FIE)-ийн ерөнхийлөгч А.Усманов хүрэлцэн ирэх юм.