Амар аргаар хөлжих “хачирхалтай” аргууд

Амар хялбар арга замаар хөлжихийг хүсдэг хүмүүс олон болсон энэ үед ахар богино хугацаанд хүссэндээ хүрэх арга замыг сонирхуулсан нэгэн зурагт хуудсыг хөрвүүлэн толилуулж байна.

Ингээд гудманд дуулахаас эхлээд гэрийн багш хийх, нохой салхилуулах болон үрийн шингэнээ арилжаалаад ч болтугай мөнгө олох боломжтой башир мэт хачирхалтай аргуудаас хамтдаа сонирхоцгооё. Гудманд үзүүлэн тоглолт хийх
Хөл хөдөлгөөн ихтэй, хүн ихээр төвлөрсөн газар цомхон хэмжээний гудамжны тоглолт хийх нь авъяасаа нээх боломжийг өгдөг ашигтай бизнес гэнэ. Хамгийн гол нь танд бусдаас ялгарах ямар гоц авъяас байгаа билээ гэдгээ бодох хэрэгтэй. Сонсгол сайтай сайхан дуулж хөгжимдчихдөг магад илбэ үзүүлдэг бол олны сонирхлыг татах нь мэдээж билээ. Ингээд цагт $10 ам.доллар олдог бөгөөд зарим нь 3 - 4 цаг суухад $15 - $40 ам.доллартай харих нь ч энүүхэнд гэнэ. Блог ажиллуулах
Энэ нь таныг тийм ч хурдан мөнгөтэй болгохгүй ч боломжийн арга юм. Домэйн хаягаа олны сэтгэлд нийцэж, сонирхлыг нь татахаар хаяг сонгоод боломжийн үнэтэй хостинг ашиглаад үзэх хэрэгтэй. Энэ нь та үзэл бодол, хийж бүтээж байгаа зүйлээрээ бусдаас хэр ялгагдаж чадахаас хамаарах боломжийн бөгөөд хөлөө олчихвол цаашид хөгжих ирээдүйтэй гарц ажээ. "eBook" бичих
Өөртөө итгэлтэй, алив арилжаа наймаанд сэргэлэн, овсгоотой л байхгүй бол "eBook"-ээр мөнгө олно гэдэг амаргүй. Оюуны хөдөлмөр гэдэг хүн төрөлхтний хамгийн үнэтэй бүтээл байдаг бөгөөд гаргаахгүй сайхан биччихсэн бүтээл онлайн бизнест тань их ашиг өгдөг байна. Ингээд сардаа л гэхэд $1700 ам.долларыг олдог гэнэ. Онлайн дэлгүүр нээх
“Amazon”, “еBay”, “CafePress” шиг онлайн худалдааны цахим хаяг нээгээд авахад ямар ч байсан ашигтай ажиллана. Хамгийн гол нь сайтаа хэрхэн сурталчилж, ямар маркетинг хийхээ мэдэж авах нь таны түрийвчээ хэр зузаатгахыг шийдэх болно. Түүнчлэн сайт тань дизайны хувьд ойлгомжтой, хэрэглэхэд хялбар байх бөгөөд хүргэлт үйлчилгээ сайн байх хэрэгтэй билээ. Ингэснээр $39.000 орчим ам.долларын ашигтай ажиллах гэнэ. “eBay” арилжаа
Өдгөө цахим ертөнцийн цаглашгүй орон зайд онлайн худалдааны маш олон сайт үйл ажиллагаагаа явуулдаг. Эдгээрээс өөрт ашигтайг сонгон тээвэрлэхэд эвдэрч хэмхрэхгүй, эдэлгээ даадагховор гэж бодсон өмчөө арилжаалахад сардаа $1000 ам.доллартай болдог байна. Олон нийтийг хамарсан үйл ажиллагаанд идэвхитэй оролцох
Санал асуулга, судалгаа явуулж байгаа хүмүүсийн судалгаанд оролцож өөрийн үзэл бодлоо илэрхийлснээр цагт $75 - $300 ам.долларын ашигтай байдаг гэнэ. Учир нь санал асуулгад хүмүүсийг татан оролцуулах нь тийм ч хялбар биш бөгөөд ийм ажлын байрыг гаргаснаар үнэн бодитой, харилцан ашигтай үр дүнд хүрэх магадлал өндөр байдаг байна. Биеэ үнэлэх
Энэ нь садар самууныг сурталчлах гэсэн бус харин ч эсрэгээрээ таны биеэс бусдад хэрэгтэй юу байна түүнийгээ зарах тухай хэлсэн юм байна. Эрдэнэт хүний алтан амийг аврах шидтэй цус, үр удмаа үлдээхэд нь тустай үрийн шингэн зэрэг нь харь орнуудад ихэд үнэд хүрдэг байна. Цус л гэхэд сард $260 ам.доллар, үрийн шингэн нь сардаа $65 - $500 ам.доллар олох эх үүсвэртэй байдаг гэнэ. Нохой салхилуулах
Хэрвээ та амьтанд хайртай бол хэн нэгний нохойг салхинд авч гараад л $12 ам.доллараар цалинжих жишээтэй. Үнэхээр л амьтдад чин сэтгэлээсээ ханддаг бол энэхүү бизнесээ өргөжүүлж мал эмнэлэг нээхэд буруудах зүйлгүй боловч амьтны амь дааж авна гэдэг хариуцлагатай ажил билээ. Хоёрдогч түүхий эд цуглуулах
Лааз түүж тушаах нь нилээдгүй орлоготой ажилд тооцогддог гэнэ. Нэг эмэгтэй лааз түүгээд $73.000 ам.доллар олсон тохиолдол бий бөгөөд гадаадын орнуудад энэ төрлийн бизнесийн нөхцөл тогтвортой, байнгын эрэлттэй байдаг нь ашигтай ажиллахад нөлөөлдөг байна. Үүнд ундааны лааз, хуванцар сав, төмөр гэх зэрэг дахин боловсруулах боломжтой хоёрдогч түүхий эдүүд ордог гэнэ.

Гэрийн багш хийх
Тодорхой нэг сэдвээр нарийн мэдлэгтэй, заах аргазүйд суралцсан туршлагатай бол дунд сургуулийн эсвэл төгсөх ангийн оюутан сурагчдад гэрээр давтлага өгөх, хичээл заах боломжтой билээ. Ялангуяа сургуулийн ойр гэртэй бол зардлаа хэмнээд зогсохгүй цагт $15 - $30 ам.доллараар цалинждаг байна.

Эх сурвалж: playskull.mn