Катчер Кунисын араар тавьжээ

Их Британийн хэвлэлүүдэд бичиж байгаагаар бол Холливудын жүжигчин Эштон Катчер Мила Кунистэй романтик харилцаа үүсгэж байх үедээ буюу 2012 онд түүний араар тавьсан гэнэ. Швейцарийн үсчин бүсгүй болох Линн Мэссингер нэгэн уушийн газар танилцаад Эштоны харшид очиж бэлгийн харьцаанд орсон хэмээн мэдэгджээ.

Тэр үед Линн 21 настай байсан гэнэ. Катчер тэр уушийн газар найзуудтайгаа сууж байгаад дажгүй бүсгүйг олж харжээ. Эштон өөрийгөө Крис гэж танилцуулсан байна. Улмаар бүгдээрээ хамт жүжигчин залуугийн гэрт очжээ. Бүгд яван одоход Катчер бүсгүй хоёр үлдсэн байна. Тухайн үед алдартай залуу өөрийн хайртын тухай нэг ч үг унагаагаагүй гэнэ.

“Тэр зүгээр л миний гараас бариад дээш гаргасан. Мила болон өөр ямар нэг бүсгүйн тухай нэг ч үг дуугараагүй. Би түүнд тэгэхэд таалагдсан байх гэдэгтээ найдаж байна” гэж бүсгүй ярьжээ. Худлаа хэлээгүй гэдгээ батлахын тулд энэ бүсгүй Катчертай орон дотор тэврэлдэж хэвтээ гэрэл зургуудаа толилуулсан аж. Тэр үед Эштон Стив Жобсын дүрийг бүтээхээр бэлтгэж байсан бөгөөд сахал үсээ ургуулж байсан юм.

Эх сурвалж www.wikimon.mn