Үндэсний хоккейн лигийн 98 дахь улирал эхлэж байна

Үндэсний хоккейн лигийн аварга шалгаруулах тэмцээн аравдугаар сарын 08-нд (УБ-ын цагаар аравдугаар сарын 09-ний өглөөний 07.00 цаг) эхлэнэ. Тус лигийн түүхэнд 98 дахь нь болох 2014/15 оны улирлын эхний тоглолтод канадын "Торонто Мэйпл Ливс" болон "Монреаль Канадиенз" багууд учирна.

Дөрөвдүгээр сарын 11-нийг хүртэл үргэлжлэх байнгын аварга шалгаруулах тэмцээний үеэр 1230 тоглолт болно. Зүүн, баруун хэсгээс тус бүр найм, нийтдээ шилдэг 16 баг орох Стэнлийн цомын тэмцээний дүнгээр аварга баг тодорно. Плей-оффт дөрвөн дивизион бүрээс гурав гурван шилдэг баг, түүнчлэн өөрийн хэсэгт хамгийн олон оноо авсан хоёр клуб гарна. Дөрөв хүртэл ялалттай плей-оффын цуврал тоглолт дөрөвдүгээр сарын дундуур эхлэнэ.

Түүхэндээ хоёр удаа түрүүлсэн "Лос- Анжелес Кингз" баг өнгөрсөн улиралд Стэнлийн цомын эзэн болсон юм. Бүх гол гол тоглогчийг бүрэлдэхүүндээ хэвээр үлдээсэн энэ баг одоогийн аварга шалгаруулах тэмцээнд ч ялах гол өрсөлдөгчдийн нэг хэвээр байна. "Лос- Анжелес Кингз" багийн зэрэгцээ улирлын найдлага төрүүлж буй багуудын тоонд "Бостон Брюинз", "Чикаго Блэкхокс", "Анахайм Дакс" багуудыг нэрлэж байна.

С.Инда