Бразилчууд олимпийн бэлтгэлээ сайн хийж байна

2016 оны зуны Олимп Бразилийн Рио де Жанейро хотод зохион байгуулагдах билээ. Тэгвэл олимпийн бэлтгэл ажлыг Олимпийн хорооноос шалгасан байна. Бэлтгэлийн явц хангалттай байгааг дуулгаад сэтгэл хангалуун байгаагаа шалгалтын багийн ахлагч Навал Эл Мутавакел илэрхийлжээ.

Зургаан сарын өмнө шалгахад бэлтгэл ажил муу гэсэн шүүмжлэлийг авсан бразилчууд энэ удаад төлөвлөгөөт барилгуудын ажил 50-иас дээш хувьтай, маш эрчимтэй сайн ажиллаж байгаа гэсэн сайшаалыг хүртжээ.

Дэлхийн хөл бөмбөгийн аварга шалгаруулах тэмцээнийг амжиллттай зохион байгуулсан бразилчууд олимпийн бүтээн байгуулалтын ажлыг цагт нь дуусгаж, олимп цагтаа эхэлнэ гэдэгт итгэлтэй байгаагаа Олон улсын Олимпийн хороо илэрхийлжээ.