Сагсны эрэгтэй, эмэгтэй багууд чухал тоглолт хийнэ

Азийн наадмыг шуугиулж элэг нэгт монголчуудаа догдлуулж байгаа сагсан бөмбөгийн эрэгтэй, эмэгтэй багийнхан өнөөдөр тоглолтоо хийнэ.

Шөвгийн наймд дуулиантайгаар үлдэж чадсан эрэгтэйчүүдийн шигшээ баг 13.00 цагаас Ираны хүчирхэг шигшээтэй тоглох бол хэсгээ тэргүүлж гарсан эмэгтэйчүүдийн баг Балбын сагсчидтай 15.15 цагаас өрсөлдөнө.

Мөн эрэгтэйчүүдийн Япон-БНХАУ-ын тоглолт 17.30-аас, БНСУ-Филиппиний тоглолт 13.00 цагаас тус тус явагдана.

Хэсгийн эхний тоглолтдоо Хятадын багт хожигдсон эрэгтэйчүүдийн шигшээ өнөөдөр Ираны багийг заавал хожихын тулд тоглоно.

Эмэгтэйчүүдийн хувьд Балбын шигшээг хожих чансаатай байгаа ч медалийн тавцан ойрхон байгаа мөчидөрсөлдөгчөө багаар үнэлж болохгүй. Тиймээс сагсчдын маань хувьд өнөөдрийн тоглолтууд маш чухал юм.